სანდრა რულოვსი - ჩვენ გადავწყვიტეთ, რომ საპროტესტო ტალღა დაიწყოს ზუგდიდიდან, ის გავრცელდება მთელ ქვეყანაზე და დამთავრდება ივანიშვილის სასახლესთან

გუშინდელი ე.წ არჩევნების მერე, ჩვენ გადავწყვიტეთ, რომ საპროტესტო ტალღა უნდა დაიწყოს ზუგდიდიდან. ეს გავრცელდება მთელს ქვეყანაზე და დამთავრდება ივანიშვილის შუშის სასახლესთან, თბილისში, - ამის შესახებ გაერთიანებული ოპოზიციის მერობის კანდიდატმა სანდრა რულოვსმა ჟურნალისტებს ზუგდიდში განუცხადა.

როგორც სანდრა რულოვსმა ოპოზიციის შტაბში შეხვედრის დასრულების შემდეგ ჟურნალისტებთან განაცხადა, 2019 წლის შუალედური არჩევნები არ იყო რეალური არჩევნები. მისი თქმით, „ეს იყო სპეცოპერაცია თვეების მანძილზე, განსაკუთრებით კი ბოლო დღეებში".

როგორც რულოვსმა აღნიშნა, პროტესტის ფარგლებში მთავარი მოთხოვნა ბიძინა ივანიშვილის ქვეყნის მმართველობიდან წასვლა იქნება.

"ჩვენ მოვითხოვთ მის წასვლას ამ ქვეყნიდან. თავი უნდა დაგვანებოს, იმიტომ, რომ მისი მოქმედება, მისი ე.წ. მმართველობა უკვე ყველასთვის ყველანაირ ზღვარს არის გადასული. ჩვენ ივანიშვილს აღარ უნდა ჩავატარებინოთ არჩევნები, იმიტომ, რომ არ შეუძლია, არ ატარებს არჩევნებს. ამიტომ, ჩვენ, ყველანი უნდა დავირაზმოთ მთელი ქვეყნის მასშტაბით და არ დავტოვებ არცერთ ქუჩას, უბანს,სოფელსა და ქალაქს. ყველანი ერთად, ხელი-ხელჩაკიდებულები უნდა მივიდეთ თბილისამდე და ივანიშვილი ამ ქვეყნიდან უნდა მოვიშოროთ. ეს საპროტესტო ტალღა უკვე დაწყებულია და ჩვენს მეგობრებთან და მთელ გუნდთან ერთად ჩამოვყალიბდებით, რომელი რეგიონებიდან დავიწყებთ. ყველგან ვიქნებით და ხალხის ძალას ვაჩვენებთ ივანიშვილს,რადგან არჩევნები არ ტარდება ამ ქვეყანაში. ივანიშვილის გარეშე უნდა გავაგრძელო ამ ქვეყნის გადარჩენა და აღმშენებლობა. მე ამ ბრძოლაში არ ვარ მარტო. აქ ძალიან ბევრი პარტია, ორგანიზაცია და მეგობრები არიან და ვისაც უნდა, შემოგვიერთდება. ჩვენ გვყავს საქართველოს ერთი მტერი, ეს არის, ივანიშვილი", - განაცხადა რულოვსმა.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი