მარნეულის საოლქო საარჩევნო კომისიაში ამ დროისთვის 7 საჩივარი შევიდა

მარნეულის საოლქო საარჩევნო კომისიაში ამ დროისთვის 7 საჩივარი შევიდა. როგორც „ინტერპრესნიუსს“ საოლქოს თავმჯდომარე იაკობ ასანიძემ განუცხადა, საჩივრები წვრილმან საკითხებზეა და ძირითადად პროცედურული ნორმების დარღვევებს შეეხება.

„10 საათის მონაცემებით, ამომრჩეველთა აქტივობამ უბნების 5,7% შეადგინა. არჩევნები მშვიდად, მნიშვნელოვანი დარღვევების გარეშე მიმდინარეობს", - განაცხადა ასანიძემ.