ჭიათურაში "ქართული ოცნების" მერობის კანდიდატი - მხარი დავუჭირე ახალ ჭიათურას

ჭიათურაში "ქართული ოცნების" მერობის კანდიდატმა გივი მოდებაძემ საკუთარი არჩევანი დააფიქსირა. მმართველი პარტიის მერობის კანდიდატის თქმით, მან ხმა მუნიციპალიტეტში განვითარებას და მოსახლეობის კეთილდღეობას მისცა.

"მხარი დავუჭირე ახალ ჭიათურას, ჩემი ქალაქის განვითარებას და ეკონომიკურ წინსვლას. დარწმუნებული ვარ, ამომრჩევლის უმრავლესობა მხარს დამიჭერს და პირველ ტურში გავიმარჯვებ“, - განაცხადა გივი მოდებაძემ.

ჭიათურაში მუნიციპალიტეტის მერობისთვის 13 კანდიდატი იბრძვის.