ხულოში სპეცრაზმის საჭიროება არ არის და „ერთიანი ნაციონალური მოძრაობა“ ცრუობს, - ამის შესახებ „ქართული ოცნების" წევრმა ირაკლი ჭეიშვილმა პარტიის ოფისში გამართულ ბრიფინგზე განაცხადა.

მისი თქმით, ხულოს მუნიციპალიტეტში მერის არჩევნები მშვიდ გარემოში მიმდინარეობს. რაც შეეხება სამაგიდო სიებს, მისი თქმით, ის ცესკო-ს ვებგვერდზეა გამოქვეყნებული და მასზე ყველა მოქალაქეს აქვს წვდომა.

„დიდი მადლობა ხულოში საარჩევნო უბანთან მოსულ ამომრჩეველებს. ასევე ვთხოვ იმ ადამიანებს, რომლებიც არჩევნებზე ჯერ არ მისულა - დააფიქსირონ საკუთარი პოზიცია. ხულოს მუნიციპალიტეტში საარჩევნო პროცესი მშვიდ გარემოში მიმდინარეობს, არანაირ ექსცესებს ადგილი არ აქვს. რაც შეეხება სპეცრაზმის მობილიზებას, ეს არის აბსოლუტური ტყუილი.

ხულოს რაიონში სპეცრაზმის მობილიზების საჭიროება არ დგას, „ნაციონალური მოძრაობის" წევრები საპატრულო პოლიციის მანქანას სპეცრაზმს ეძახიან.

პოლიცია ცდილობს, რომ არჩევნები მუნიციპალიტეტში მშვიდად ჩატარდე“, - განაცხადა ირაკლი ჭეიშვილმა.