დამკვირვებლის განცხადებით, მარნეულის 68-ე უბანზე ყუთში ბიულეტენები ჩაყარეს

მარნეულის 68-ე უბანზე ინციდენტი მოხდა. არსებული ინფორმაციით, საარჩევნო ურნაში უცნობმა პირმა ბიულეტენები ჩაყარა. გავრცელებული ცნობით, ის საარჩევნო უბნის შიდა პერიმეტრზე სპეციალური „ბეიჯების“ გარეშე გადაადგილდებოდა.

„აღმოვაჩინე დარღვევა, დავიწყე გადაღება. მითხრეს კომისიის წევრებმა, თითქოს მე ვიღებდი სიებს და დამესხნენ თავს. კამერის გატეხვას და მასალის წაშლას ცდილობდნენ. რომ არა ჩემი თანხმლები პირები, არ ვიცი, რა მოხდებოდა. ამასობაში, ვიღაცა შემოვიდა, ბიულეტენები ჩატენა ყუთში და მერე გაიტაცა“, - აცხადებს ერთ-ერთი არასამთავრობო ორგანიზაციის დამკვირვებელი.

თავის მხრივ ბრალდებებს უარყოფენ მარნეულის საოლქო საარჩევნო კომისიაში. კობა ასანიძე ამბობს, რომ მსგავს ფაქტს ადგილი არ ჰქონია.

„ახლა გაისმა აქ ბრალდება, თითქოს გაიტაცეს ბიულეტენები. ამ განცხადების ავტორს თავად გაეცინა ამაზე ირონიულად“, -აცხადებს კობა ასანიძე.