პანკისის ხეობის 24-ე საარჩევნო უბანზე ამომრჩეველი ბატკანთან ერთად მივიდა, მან კომისიის წევრებს ლექსი წაუკითხა

პანკისის ხეობის სოფელ ომალოს 24 -ე საარჩევნო უბანზე, ამომრჩეველმა კომისიის წევრებს, ნამცხვარი და ყვავილები მიუტანა.

დანო თურქოშვილს საარჩევნო უბანზე ბატკანიც ახლდა. მანვე კომისიის წევრებს ლექსი წაუკითხა. თურქოშვილმა განაცხადა, რომ ამ ქმედებით კომისიის წევრების მიმართ პატივისცემა გამოხატა.

უბნის კომისიის თავმჯდომარემ კი განაცხადა, რომ მისთვის ეს ფაქტი მოულოდნელი იყო და საჩუქრის მიღებს არ ადასტურებს.

პანკისის ხეობის ხალაწნის თემში მაჟორიტარული ოლქი 5 სოფელს მოიცავს - ზემო, ქვემო და შუა ხალწანს, ასევე დუმასტურსა და ომალოს.

აღნიშნულ ოლქში საკრებულოს წევრის მანტატისთვის 11 კანდიდატი იბრძვის.

იხილეთ ვიდეო: ამომრჩეველი საარჩევნო უბანზე ბატკნით მივიდა და კომისიის წევრებს ლექსი წაუკითხა - კადრები პანკისის ხეობიდან