ზუგდიდის პოლიციის სამმართველოში „ქართული ოცნების" კოორდინატორის კობა კვეკვესკირის გამოკითხვა დასრულდა.
აღნიშნული პირის გამოკითხვა პოლიციის განყოფილებაში, ზუგდიდის 21-ე საარჩევნო უბანზე მომხდარ დაპირისპირებაზე მიმდინარეობდა. კერძოდ, საუბარია „ნაციონალური მოძრაობის" წევრის, ანი წითლიძის განცხადებაზე, რომ მას კვეკვესკირმა ხელი ჰკრა.
როგორც გამოკითხვის დასრულების შემდეგ კვეკვესკირმა ჟურნალისტებთან განაცხადა, წითლიძემ შეურაცხყოფა მასაც მიაყენა.
„ადმინისტრაციულით გამომიშვეს. წითლიძემაც მომაყენა შეურაცხყოფა და მეც მივაყენე“, - განაცხადა კვეკვესკირმა.