მარნეულის საოლქო კომისიის თავმჯდომარე - 68-ე უბანზე ბიულეტენების ჩაყრას ადგილი არ ჰქონია - უბნის ბათილობაზე ფიქრიც კი ზედმეტია
მარნეულის #68-ე საარჩევნო უბანზე პროვოკაციას ჰქონდა ადგილი, ამჟამად სიტუაცია განმუხტულია, - ამის შესახებ მარნეულის #22 საოლქო საარჩევნო კომისიის თავმჯდომარე იაკობ ასანიძემ განაცხადა.
მისივე თქმით, დაახლოებით 15-მდე საჩივარია შესული, რომლებიც ძირითადად პროცედურულ დარღვევებს შეეხება და არჩევნების შედეგებზე გავლენას ვერ იქონიებს.
„არანაირი ბიულეტენის ჩაყრას 68-ე უბანზე ადგილი არ ჰქონია, ეს არის ცრუ ინფორმაცია, ამიტომ, უბნის ბათილობაზე ფიქრიც კი ზედმეტია. 68-ე უბანზე გავრცელებული ინფორმაცია გადავამოწმეთ, მე თვითონ გახლდით უბანზე, ეწყობოდა პროვოკაციები, განმუხტულია სიტუაცია და საარჩევნო პროცესი მშვიდ გარემოში მიმდინარეობს“, -განაცხადა იაკობ ასანიძემ.
