ზუგდიდის #5 უბანზე არაფხიზელ მდგომარეობაში მყოფი ამომრჩეველი - ხმის მიცემის უფლება არ მომცეს, ნასვამი თუ ვარ, საჭესთან ხომ არ ვზივარ?
ზუგდიდის #5 უბანზე ნასვამი მამაკაცი არ შეუშვეს. როგორც უბნის თავმჯდომარე ანა თოდუამ განმარტა, ის ნაკადის მომწესრიგებელსა და რეგისტრატორს არ დაემორჩილა.
მისივე თქმით, მამაკაცი ყუთთან მისვლას აპირებდა, თუმცა უბნიდან გააძევეს.
თავის მხრივ, მოქალაქე ამბობს, რომ მას ხმის მიცემის შესაძლებლობა არ მიეცა.
„ნასვამი რომ ვარ, საჭესთან ხომ არ ვარ? რა გინდათ? არჩევნებზე არ უნდა მოვსულიყავი? წადიო, ასე მითხრეს“, - განაცხადა მამაკაცმა, რომელიც უბანზე არაფხიზელ მდგომარეობაში იმყოფებოდა.
