მურთაზ ზოდელავა - როცა ბიულეტენების დათვლა ხდება, 86-ე უბანზე რატომღაც პოლიციის მაღალჩინოსნები შედიან

ზუგდიდის 86-ე საარჩევნო უბანზე ხმაური იყო. როგორც საარჩევნო უბნის გარეთ მყოფმა გაერთიანებული ოპოზიციის წევრმა, მურთაზ ზოდელავამ "ინტერპრესნიუსს" განუცხადა, ზუგდიდის 86-ე საარჩევნო კომისიაში უთანხმოება დაიწყო გადასატანი ყუთის გახსნის პროცედურასთან დაკავშირებით.

ზოდელავას თქმით, შიგნით შესვლის შესაძლებლობა არ აქვს,მიზეზი კი საარჩევნო უბნის ტერიტორიაზე განთავსებული პოლიციაა.

„საღამოს, მაშინ როდესაც ყველაზე სათუთი პროცესების განხორციელება ხდება კომისიაში, ბიულეტენების დათვლა, ამ დროს, 86-ე უბანზე რატომღაც შედიან პოლიციის მაღალჩინოსნები და ცდილობენ გადაწყვიტონ ის საკითხები, რომელთა გადაწყვეტა მხოლოდ საარჩევნო კომისიის კომპეტენციაა. ჩვენი

ინფორმაციით, კომისიაში უთანხმოება დაიწყო გადასატანი ყუთის გახსნის პროცედურასთან დაკავშირებით. ამ პროცესში შემდეგ ჩაერთვნენ პოლიციის ჩანამშრომლები. მათ შორის, ყველაზე უცნაურია ის, რომ კახეთის სამხარეო პოლიციის უფროსის მოადგილე, ზუგდიდის 86-ე უბანზე ცდილობს გააძევოს დამკვირვებელი“, - განაცხადა ზოდელავამ.