ჭიათურა წინასწარი მონაცემებით, ჭიათურის საარჩევნო ოლქში მერის რიგგარეშე არჩევნებზე პირველ ადგილს „ქართული ოცნების“ კანდიდატი გივი მოდებაძე 64,58%- ით იკავებს. რაოდენობრივად ეს არის 11 721 ხმა. ამის შესახებ ცენტრალური საარჩევნო კომისიის ვებ-გვერდზე გამოქვეყნებულ მონაცემებშია აღნიშნული.
ხმათა 1%-ზე მეტი კიდევ მხოლოდ ორმა კანდიდატმა მიიღო. ესენი არიან: ზურაბ კუპატაძე 17,99% და დავით ჭუმბურიძე 15,26%.
ცესკოს ინფორმაციით, ჭიათურაში სულ 58 საარჩევნო უბანი იყო გახსნილი და ამ დროისთვის უკვე დათვლილია ყველა უბნის მონაცემი.