„ვიტ-ჯორჯიას“ ფეხბურთელების დაკავებასთან დაკავშირებით, სუს-ი ინფორმაციის გავრცელებას დღეს გეგმავს. არსებული ინფორმაციით, ფეხბურთელებს გარიგებულ მატჩებში მონაწილეობა ედება ბრალად. სუს-ში ამ ეტაპზე არ აკონკრეტებენ, რომელ თამაშებთან დაკავშირებით არსებობს ფაქტები, რომ ისინი გარიგებულია.

სუს-მა გარიგებული მატჩების გამო, „ვიტ ჯორჯიას" ფეხბურთელები დააკავა. ამის შესახებ ინფორმაციას lelo.ge ავრცელებს. ფეხბურთელების დაკავება ბათუმის „დინამოსთან“ თამაშის შემდეგ გასახდელში მოხდა.

„ერთი წყაროს ინფორმაციით, დაკავებულია ოთხი, მეორე წყაროს ინფორმაციით - ექვსი მოთამაშე. არსებული ინფორმაციით, საქმე ეხება ჩაწყობილ მატჩებს. რამდენიმე შეხვედრა შავ სიაში იყო შეტანილი და სწორედ მათი შესწავლის შემდეგ მოხვდნენ ფეხბურთელები შსს-ს ყურადღების ცენტრში. კონკრეტულად რომელი ფეხბურთელები დააკავეს და რომელი მატჩის მიზეზით, ამის შესახებ ჯერ საჯაროდ ცნობილი არ არის“, - წერს lelo.ge.