ეს არის ჩვენი ბრალი, რომ ვერ ვაჯახებთ შუბლში და არ ვატყიპებთ პირდაპირ ხალხს, რომ ეს გავაკეთეთ და ამის იქით აღარაფერი აღარ დაინახოთ, - ამის შესახებ საპარლამემტო უმრავლესობის წევრმა, ნუკრი ქანთარიამ ჟურნალისტებთან საუბრისას განაცხადა.

ნუკრი ქანთარიას თქმით, პიარი "ქართული ოცნებისთვის" პრობლემატური საკითხია, ვინაიდან ხშირად არ ხდება მოსახლეობამდე იმ პროექტების შესახებ ინფორმაციის მიწოდება, რასაც მმართველი გუნდი ახორციელებს.

"პიარის კუთხით ჩვენთან ყოველთვის იყო პრობლემა და ვფიქრობ, ბევრი გაკეთებული საქმე მოსახლეობამდე არ არის მისული. ეს არის რა თქმა უნდა, ჩვენი ბრალი, რომ ეს ვერ ვაჯახებთ შუბლში და არ ვატყიპებთ პირდაპირ ხალხს, რომ ეს გავაკეთეთ და ამის იქით აღარაფერი აღარ დაინახოთ. ეს თუ დანაშაულია, იყოს დანაშაული," - განაცხადა ნუკრი ქანთარიამ.