ნათია მეზვრიშვილმა ევროპულ საგარეო ქმედებათა სამსახურის აღმოსავლეთ პარტნიორობის ქვეყნებთან თანამშრომლობის სამმართველოს უფროსთან უვიზო მიმოსვლის საკითხები განიხილა
შინაგან საქმეთა მინისტრის მოადგილე, ნათია მეზვრიშვილი, ევროპულ საგარეო ქმედებათა სამსახურის აღმოსავლეთ პარტნიორობის ქვეყნებთან ორმხრივი თანამშრომლობის სამმართველოს უფროსს რიჩარდ ტიბელსს შეხვდა.
შინაგან საქმეთა სამინისტროს ინფორმაციით, შეხვედრაზე შინაგან საქმეთა სამინისტროში მიმდინარე რეფორმები და ადამიანის უფლებათა დაცვის კუთხით საქართველოში არსებული მდგომარეობა განიხილეს.
მათივე ცნობით, რიჩარდ ტიბელსმა ადამიანის უფლებათა დაცვისა და გამოძიების ხარისხის მონიტორინგის დეპარტამენტის საქმიანობა დადებითად შეაფასა.
შეხვედრის ფარგლებში მხარეებმა ასევე განიხილეს ევროკავშირთან უვიზო მიმოსვლის აქტუალური საკითხები.
