სენაკში რძის გადამამუშავებელი საწარმო გაქურდეს. როგორც „ინტერპრესნიუსს“ საწარმოს დირექტორმა ნონა ქადარიამ განუცხადა, შენობიდან 16 ათას ლარზე მეტი ღირებულების ინვენტარია გატანილი. მისივე თქმით, შემთხვევა სავარაუდოდ რამდენიმე დღის წინ მოხდა. მისივე ინფორმაციით, ასევე დაზიანებულია ინვენტარი.

„რისი წაღებაც ვერ მოასწრეს, ადგილზეა განადგურებული. გადაჭრილია მილები, არ ვმუშაობდით ეს დღეები, რადგან HACCP სისტემა უნდა დაგვენერგა და მაგისთვის ვემზადებოდით. ფაქტი, სავარაუდოდ იმ კვირას მოხდა. წინასწარი მონაცემებით, 16 ათას ლარს აღემატება ზარალი“, - განაცხადა ქადარიამ.

მისივე ინფორმაციით, აღნიშნულ საქმეზე პოლიციამ უკვე დაკითხა, რამდენიმე ადამიანი.

შს სამინისტროში აცხადებენ, რომ სამეგრელო-ზემო სვანეთის პოლიციის დეპარტამენტში მომხდარ ფაქტთან დაკავშირებით გამოძიება სისხლის სამართლის კოდექსის 177-ე მუხლით მიმდინარეობს, რაც ქურდობას გულისხმობს. უწყების ცნობით, სამართალდამცველები აქტიურ საგამოძიებო მოქმედებებს ატარებენ.