მიხეილ სააკაშვილის უკრაინული პარტია „ახალი ძალების მოძრაობა“ მონაწილეობას მიიღებს უკრაინის უმაღლესი რადას ვადამდელ არჩევნებში. ამის შესახებ პარტიის ერთ-ერთმა ლიდერმა, უკრაინის პროკურორის ყოფილმა მოადგილემ დავით საყვარელიძემ განაცხადა.
„ჩვენ გვაქვს არჩევნებში მონაწილეობის ლეგიტიმური უფლება და ამ უფლებას გამოვიყენებთ, დავიცავთ იმ ფილოსოფიას და პროექტებს, რომლის განხორციელებაც გვინდა როგორც პოლიტიკურ ძალას“, - განაცხადა საყვარელიძემ.
შეგახსენებთ, ახალარჩეულმა პრეზიდენტმა ვლადიმირ ზელენსკიმ რადა დაითხოვა და ვადამდელი არჩევნები 21 ივლისს დანიშნა. 28 მაისს კი მან სააკაშვილს მოქალაქეობა დაუბრუნა.