ლისაბონის გრასას მონასტერში საქართველოს დამოუკიდებლობის დღისადმი მიძღვნილი მიღება გაიმართა

პორტუგალიაში საქართველოს საელჩოს ორგანიზებით, ლისაბონის გრასას მონასტერში საქართველოს დამოუკიდებლობის დღისადმი მიძღვნილი მიღება გაიმართა. როგორც „ინტერპრესნიუსს“ საგარეო საქმეთა სამინისტროდან აცნობეს, მოწვეულ სტუმრებს მისასალმებელი სიტყვით მიმართა პორტუგალიაში საქართველოს საგანგებო და სრულუფლებიანმა ელჩმა რევაზ ბეშიძემ, რომელმაც მადლობა გადაუხადა გრასას მონასტრის წინამძღვარს მასპინძლობისთვის.

ელჩმა ისაუბრა მონასტერში დაცული და საქართველოს მთავრობის ფინანსური მხარდაჭერით რესტავრირებული წმინდა ქეთევან დედოფლის წამების ამსახველი პანოს ისტორიულ მნიშვნელობაზე. რევაზ ბეშიძემ ყურადღება გაამახვილა პორტუგალიასთან ორმხრივ თანამშრომლობასა და ურთიერთობების გაღრმავების სამომავლო პერსპექტივებზე, ასევე ხაზი გაუსვა პორტუგალიურენოვანი ქვეყნების თანამეგობრობის (CPLP) ფარგლებში თანამშრომლობის მნიშვნელობას. ელჩმა ისაუბრა საქართველოს საგარეო პოლიტიკის პრიორიტეტულ მიმართულებებსა და საქართველოს ევროპული და ევროატლანტიკური დღის წესრიგის მნიშვნელოვან ასპექტებზე, საქართველოს წინაშე არსებულ გამოწვევებსა და საქართველოს ოკუპირებულ ტერიტორიებზე არსებულ ვითარებაზე.

საზეიმო მიღებას ესწრებოდნენ პორტუგალიის აღმასრულებელი და საკანონმდებლო ორგანოების, ლისაბონში აკრედიტებული დიპლომატიური კორპუსის, მედიის, არასამთავრობო და კვლევითი ცენტრების, პორტუგალიაში არსებული ქართული დიასპორის წარმომადგენლები.

ღონისძიებაზე მოწვეულმა სტუმრებმა დააგემოვნეს ქართული ღვინო. ქართველი მზარეულის, არჩილ შინჯიკაშვილის მიერ მიღებისთვის საგანგებოდ მომზადდა ქართული სამზარეულოს კერძები.

მიღების ფარგლებში ასევე გაიმართა ფოტოგამოფენა “Spectacular Georgia” და საქართველოს შესახებ ვიდეო-რგოლის ჩვენება.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს