ადვოკატი - მზად ვართ, ოთარ ფარცხალაძის უდანაშაულობა დავამტკიცოთ

ჩვენ მზად ვართ, წარდგენილ ბრალდებაში ოთარ ფარცხალაძისა და მიხეილ ჩოხელის უდანაშაულობა დავამტკიცოთ, ვინაიდან ბრალი აბსურდულია, - ამის შესახებ ბრალდებული ყოფილი მთავარი პროკურორის, ოთარ ფარცხალაძის ადვოკატმა, გაგი მოსიაშვილმა ჟურნალისტებს განუცხადა.

როგორც ის განმარტავს, საქმეში არსებული მტკიცებულებებით ფარცხალაძისა და ჩოხელის ბრალეულობა არ დასტურდება.

"კონკრეტულ შემთხვევაში, "ელ ცენტროს" ინციდენტში, დაცვის მხარე პირთა უდანაშაულობას დაამტკიცებს. არ დასტურდება ქმედება, რომელსაც პირს, ან პირთა ჯგუფს ედავებიან.საქმეში არსებული მტკიცებულებები, როგორც დაცვის მიერ, ასევე ბრალდების მიერ წარდგენილი, სასამართლოს მხრიდანაა შესაფასებელი. ჩვენ გვაქვს მოლოდინი, რომ საქმეზე სასამართლო ობიექტური იქნება და სამართლიანად შეაფასებს წარდგენილ ბრალდებას.

ბრალდება რაზე აპელირებს არ ვიცი, თუმცა, შემიძლია ვთქვა, რომ საქმეზე სამართლიანი, ობიექტური გადაწყვეტილება გამამართლებელი განაჩენია. ჩვენ მზად ვართ, წარდგენილ ბრალდებაში ოთარ ფარცხალაძის და მიხეილ ჩოხელის უდანაშაულობა დავამტკიცოთ, ვინაიდან ბრალი აბსურდულია", -განაცხადა მოსიაშვილმა.

კითხვაზე, იტყუება თუ არა დაზარალებული ყოფილი აუდიტორი ლაშა თორდია, ადვოკატი პასუხობს, რომ "სასამართლოს შესაფასებელია რამდენად სწორ, ან სამართლიან პოზიციას აფიქსირებს თორდია".

შემდეგი სასამართლო სხდომა, 18 ივნისს, 15:00 საათზე გაიმართება.

ფარცხალაძეს სახელმწიფო ბრალდება ყოფილი აუდიტორის, ლაშა თორდიას ცემას ედავება.

დაზარალებული ლაშა თორდია საქართველოში არ იმყოფება.

შეგახსენებთ, რომ გენერალური აუდიტორის, ლაშა თორდიას განცხადებით, მას თავს ყოფილი მთავარი პროკურორი, ოთარ ფარცხალაძე დაესხა და დაცვის წევრებთან ერთად ფიზიკურად გაუსწორდა. მისივე თქმით, თავდასხმა აუდიტის სამსახურის საქმიანობას ეხებოდა.

ოთარ ფარცხალაძეს ბრალი სისხლის სამართლის კოდექსის 126-ე მუხლით აქვს წარდგენილი, რაც ცემას გულისხმობს.

ვაჟა ბერიძე -  „ნაციონალებს“ და მის მოკავშირეებს ელექტორატის ნახევარზე მეტი არ უჭერს მხარს, ხოლო 50%,  ვისაც არჩევანი გაკეთებული არ აქვს, „ოცნების“, დასავლელი პარტნიორებისა და საზოგადოების მთავარი პრობლემაა
ქართული პრესის მიმოხილვა 14.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
ირმა ინაშვილი საქართველოსა და აშშ-ის ხელისუფლებას მოუწოდებს, IRI-სა და NDI-ს საქართველოში კვლევების ჩატარება და გამოქვეყნება აეკრძალოთ
„თიბისის" პერსონალური საბანკო მომსახურება ტრანსფორმაციის ეტაპზე გადავიდა
Wolt და Mastercard ბათუმში გელიან!