თქვენ ისეთი მთავრობა გინდათ, როგორიც თავად გყავდათ, როცა ყველა დამოუკიდებელი ინსტიტუტის ხელმძღვანელს იბარებდნენ და რაც უნდოდათ იმას აკეთებინებდნენ, - აღნიშნული განცხადება პარლამენტის პლენარულ სხდომაზე, პრემიერ-მინისტრმა მამუკა ბახტაძემ “ევროპული საქართველოს“ წევრების მისამართით, ახალი საბანკო რეგულაციების თაობაზე დასმული კითხვის პასუხად გააკეთა.

ბახტაძემ აღნიშნა, რომ ეროვნული ბანკი დამოუკიდებელი ინსტიტუტია და როგორც მისმა ხელმძღვანელმა განაცხადა, როცა საბანკო რეგულაციებზე ხუთი თვის შედეგებს მიიღებს, მას გადახედავს.

“ეკონომიკა ცოცხალი ორგანიზმია და როგორც ვითარდება, იმის მიხედვით უნდა ხდებოდეს მის პოლიტიკაში კორექტირების შეტანა. ეს არის ეროვნული ბანკის გადასაწყვეტი საკითხი. ჩვენ ამ გეზს არ გადავუხვევთ“, - განაცხადა მამუკა ბახტაძემ.