უკრაინაში 5 წლის ბავშვის მკვლელობისთვის ორი პოლიციელი დაპატიმრეს. ამას შესახებ უკრაინული სააგენტო „უნიანი“ იუწყება. მისივე ინფორმაციით, 31 მაისს კიევის ოლქის ქალაქ პრეიასლავ ხმელმნიცკში მთვრალმა პოლიციელებმა სროლაში ვარჯიშის მოწყობა გადაწყვიტეს. ისინი მეტალის ქილებს და სხვა მსგავს საგნებს ესროდნენ, რა დროსაც მათი ნასროლი ტყვია 5 წლის ბიჭს მოხვდა, რომელიც საკუთარ სახლთან თამაშობდა. ბავშვი დედაქალაქის საავადმყოფოში გადაიყვანეს, თუმცა ის 3 ივნისს გარდაიცვალა.

თავიდან პოლიციელების წინააღმდეგ სისხლის სამართლის საქმე აღძრეს გაუფრთხილებლობით სხეულის მძიმე დაზიანებისთვის, რომელიც განხორციელდა ადამიანის ჯგუფის მიერ წინასწარი განზრახვით, თუმცა ბავშვის სიკვდილის შემდეგ მათ ბრალი დაუმძიმდათ და დაემატათ ადამიანთა ჯგუფის მიერ წინასწარი განზრახვით მცირეწლოვანი ბავშვის მკვლელობის მუხლი. დღეს ორივე პოლიციელი წინასწარ პატიმრობაში იმყოფება.