რუმინეთში საქართველოს დამოუკიდებლობის დღე აღნიშნეს

რუმინეთში საქართველოს საელჩოს ორგანიზებით, ბუქარესტის „დიპლომატიურ კლუბში“ საქართველოს დამოუკიდებლობის დღისადმი მიძღვნილი მიღება გაიმართა. ამის შესახებ ინფორმაციას საქართველოს საგარეო საქმეთა სამინისტრო ავრცელებს.

მათივე ინფორმაციით, ღონისძიების ფარგლებში საქართველოსა და რუმინეთის ეროვნული ჰიმნები შესრულდა კონსტანცას ოლეგ დანოვსკის ოპერისა და ბალეტის ეროვნული თეატრის სოლისტი ტენორის, რეზვან სერარუს მიერ.

„დამსწრე საზოგადოებას სიტყვით მიმართეს საქართველოს საგანგებო და სრულუფლებიანმა ელჩმა რუმინეთში, ნიკოლოზ ნიკოლოზიშვილმა და რუმინეთის საგარეო საქმეთა სამინისტროს სახელმწიფო მდივანმა, დანუც სებასტიან ნეკულაესკუმ. მომხსენებლებმა ყურადღება გაამახვილეს საქართველოსა და რუმინეთის სამსაუკუნოვან მეგობრობაზე, ორმხრივი ურთიერთობების დადებით დინამიკასა და ორ ქვეყანას შორის მჭიდრო თანამშრომლობაზე.

მიღებაზე მოწვეულ სტუმრებს, საშუალება ჰქონდათ ეხილათ საქართველოს შესახებ სხვადასხვა ვიდეო-რგოლები და ასევე, დაეგემოვნებინათ ქართული ღვინო.

ღონისძიებას ესწრებოდნენ რუმინეთის საგარეო საქმეთა სამინისტროს, რუმინეთის პარლამენტისა და სხვადასხვა საჯარო უწყებების, მედიის, კულტურისა და აკადემიური სფეროს წარმომადგენლები, ასევე, რუმინეთში აკრედიტებული დიპლომატიური კორპუსისა და ქართული დიასპორის წევრები“ - ნათქვამია სამინისტროს მიერ გავრცელებულ ინფორმაციაში.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 10.08.2020
სევრის ხელშეკრულების 100 წლისთავი
„მოედანი“ - პროექტი, რომელიც ავლაბარს ახალ სიცოცხლეს შესძენს
ამერიკული სტეიკის მასტერკლასი ბათუმში