დავით ბაგრატიონის წარმომადგენელი - თუ კონსტიტუციური მონარქიის საკითხი დადგება, „სამეფო სახლის“ მეთაური დავით ბაგრატიონ-მუხრანელი, შემდეგ მისი ვაჟი და სხვა ალტერნატივაზე საუბარი არც უნდა იყოს

თუ კონსტიტუციური მონარქიის საკითხი დღის წესრიგში დადგება, რა თქმა უნდა, „საქართველოს სამეფო სახლის“ მეთაური არის ბატონი დავით ბაგრატიონ-მუხრანელი, მის შემდეგ მისი ვაჟი გიორგი და სხვაგვარ ალტერნატივაზე საუბარი არც უნდა იყოს, - ამის შესახებ დავით ბაგრატიონ-მუხრანელის წარმომადგენელმა, ლევან ჩხეიძემ პრესკონფერენციაზე განაცხადა.

მისი თქმით, არავის აქვს უფლება დაადგინოს რაღაც წესები და ცალმხრივ რეჟიმში წარადგინოს გარკვეული კანდიდატი.

„არანაირ ტახტის მემკვიდრეზე ამ წუთას საუბარი არ არის და არც შეიძლება იყოს. აღნიშნული საკითხის გადაწყვეტა წარმოადგენს ქართველი ხალხის სუვერენულ ნებას. თუ ქართველ ხალხს სურს მონარქიის რესტავრაცია და მმართველობის ეს ფორმა, კი, ბატონო! პატივი უნდა ვცეთ ქართველი ხალხის ნებას. ეს არის პოზიცია. ჩვენი აზრით, არავის არ აქვს უფლება გამოვიდეს, დაგვიდგინოს წესები, თუ როგორი უნდა იყოს სახელმწიფოს მოწყობა, შეგვიდგინოს გარკვეული პროექტი და ცალმხრივ რეჟიმში წარგვიდგინოს გარკვეული კანდიდატი.

უკვე მე-11 წელია, ის ხალხი, ვინც აღიარებს მონარქიის იდეას, მოიაზრება, რომ აღნიშნულ ტიტულში ბატონ დავით ბაგრატიონ-მუხრან-ბატონიშვილი არის აღიარებული სამეფო სახლის მეთაურად. ეს ადამიანი ცხოვრობს ძალიან პრივატული ცხოვრების წესით, არავის აწუხებს, არავის ეჩრება თვალში, არ აკეთებს საჯარო განცხადებებს, აქვს თავისი საყვარელი საქმე, ეწევა მევენახეობა-მეღვინეობას და მშვიდად უნდა იცხოვროს თავის სამშობლოში. თუმცა, თუ კონსტიტუციური მონარქიის საკითხი დღის წესრიგში დადგება, იმ პრინციპების გათვალისწინებით, რომელიც არსებობდა საქართველოში, რა თქმა უნდა, საქართველოს სამეფო სახლის მეთაური არის ბატონი დავითი, მის შემდეგ მისი ვაჟი გიორგი და სხვაგვარ ალტერნატივაზე საუბარი არც უნდა იყოს”, - განაცხადა ლევან ჩხაიძემ.

იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
ქართული პრესის მიმოხილვა 07.08.2020
გიორგი პერტაია - სავაჭრო პალატა მეწარმეებს ბიზნესის მხარდამჭერ ყველა პროგრამას ერთ ონლაინ პლატფორმაზე სთავაზობს
ახალი Galaxy Note 20 და Note 20 Ultra წინასწარი შეკვეთა დაიწყო
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში