„აფბას“ პრეზიდენტი საპენსიო რეფორმაზე - საპენსიო სქემაში მონაწილეობით ჩვენ უკეთეს სოციალურ სისტემას მივიღებთ

ამ სქემაში მონაწილეობით ჩვენ უკეთეს სოციალურ სისტემას მივიღებთ, ამით ადამიანებს შეეძლებათ ფინანსურად ღირსეული სიბერე უზრუნველყონ და რა კონტრიბუციაც შეიტანეს ეკონომიკაში, საპენსიო ასაკში გასვლისას იმის საზღაური ადეკვატურად მიიღონ, არ იყვნენ დამოკიდებულნი მხოლოდ საბაზისო პენსიაზე, რაც სამართლიანობისგან შორსაა,-ამის შესახებ „ახალგაზრდა ფინანსისტთა და ბიზნესმენთა ასოციაციის” პრეზიდენტმა შოთა გულბანმა საპენსიო რეფორმის მნიშვნელობაზე საუბრისას განაცხადა.

როგორც „ინტერპრესნიუსს“ საპენსიო სააგენტოდან აცნობეს, გულბანის თქმით, დღეს რეალობა შეიცვალა და წარსული გამოცდილების გამო დაგროვებით საპენსიო რეფორმაზე უარის თქმა - არ არის სწორი გადაწყვეტილება.

„პირდაპირ ვეუბნები ამ ადამიანებს, დღეს ინსტიტუციები მუშაობენ, დღეს ევროკავშირის წევრობამდე ცოტაღა გვაკლია, სულ სხვა მაკროეკონომიკური მოცემულობაა. შედარებაც არ შეიძლება იმ საქართველოსი და ამ საქართველოსი, იმ ეკონომიკისა და ამ ეკონომიკის. ჩემი მოსაზრებით, ეს რისკი მომავალში ძალზე მინიმალიზირებულია. საპენსიო ფონდის მიმართ უნდობლობა მეტწილად შეიძლება დაკავშირებული იყოს იმ გარემოებასთან, რომ ადამიანების ეს კატეგორია იმ პერიოდშია დაბადებული, როდესაც საბჭოთა კავშირი დაიშალა და რთული პერიოდის მომსწრენი გახდნენ, მოხდა ჰიპერინფლაცია, გაუფასურდა საბჭოთა ანაბრები, შესაბამისად, მათ მიერ დაგროვილი დანაზოგები აორთქლდა, დაიკარგა. მათ ახლაც ჰგონიათ, რომ იგივე შეიძლება გამეორდეს და რისკები არსებობს, მაგრამ ახლა სხვა დროა. საპენსიო ფონდში მონაწილეობა ძალიან მნიშვნელოვანია“, - აღნიშნავს შოთა გულბანი.

„აფბა“-ს პრეზიდენტი ამბობს, რომ დაგროვებით საპენსიო სქემაში სავალდებულოობის პრინციპით არის ჩართული. მისივე თქმით, ამ პრინციპის გარეშე საპენსიო რეფორმა წარმატებით ვერ იმუშავებდა.

„ეს არის უნიკალური შესაძლებლობა, რომ 20 ლარის ინვესტირებით ადამიანი მომენტალურად 60 ლარის უკუგებას მიიღებს. ანალოგიური საფინანსო შესაძლებლობა ინვესტირების თვალსაზრისით, არც ერთ საფინანსო კომპანიას არ აქვს საქართველოში“, - აცხადებს შოთა გულბანი.

ამასთან, შოთა გულბანის თქმით, მნიშვნელოვანია რომ რეფორმის ინიციატორი არის ქვეყნის მთავრობა და საქართველოს მოსახლეობის დასაქმებული ნაწილი სრულად არის ჩართული დაგროვებით საპენსიო სქემაში.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ანა დოლიძე - მჯერა, რომ უკეთესი საქართველოსთვის ბრძოლას  აქვს აზრი
„თეგეტა მოტორსი“ 25 წლის იუბილეს აღნიშნავს
სამსუნგის 8K რეზოლუციის ტელევიზორების ლაინაფით ახალ მწვერვალებს იპყრობს
მერაბ ჭიქაშვილი - როგორ შეიძლება კადრების ისე დადგმა, რომ მასში მონაწილეობა მაღალი თანამადებობის პირებს მიაღებინო? (R)
კახა ძაგანია - "ნაცმოძრაობის" მმართველობისას ყველაზე მეტი გარდაცვლილი პატიმარი იყო და ამაზე ყველა საერთაშორისო ორგანიზაცია წერდა (R)
გიორგი ლომია - "პატრიოტთა ალიანსი" ერთადერთი ძალაა, რომელიც სამართლიანობას აღადგენს (R)
ირმა ინაშვილი - ჩვენ არავის მივცემთ იმის უფლებას, რომ გამარჯვება წაგვართვან! (R)