ლადო კახაძე შალვა შავგულიძეს - თქვენ დაავადების მხარეს დგახართ და არა დაავადებულის

თქვენ დაავადების მხარეს დგახართ და არა დაავადებულის. დაავადება არასდროს არ გამოსწორდება,-ასე მიმართა „ქართული ოცნება-დემოკრატიული საქართველოს“ მთაწმინდის მაჟორიტარობის კანდიდატმა ლადო კახაძემ „თავისუფალი დემოკრატები-ევროპული საქართველოს“ მთაწმინდის მაჟორიტარობის კანდიდატს შალვა შავგულიძეს საზოგადოებრივი მაუწყებლის პირდაპირ ეთერში საარჩევნო დებატების დროს.

ლადო კახაძემ შავგულიძისგან მოითხოვა პასუხი, თუ რა განსხვავებაა სააკაშვილს, ბოკერიასა და მურუსიძეს შორის.

„რითი განსხვავდება, რა არის უკეთესი სააკაშვილში, ბოკერიაში, რა არის განსხვავება უკეთესობის მხარეს მურუსიძესთან? მაინტერესებს, თქვენ ხომ იცით, ვის ელაპარაკებით? -ექიმს ელაპარაკებით. თქვენ დაავადების მხარეს დგახართ და არა დაავადებულის. დაავადება არასდროს არ გამოსწორდება. დაავადებას ერთი სული აქვს, დაავადოს, დაავადოს, დაავადოს... ავადმყოფს დახმარებოდით მდგომარეობიდან გამოსასვლელად, ეს უფრო მაღალი მისია მგონია და თქვენი არჩევანია“,-განაცხადა ლადო კახაძემ.

აღნიშნულზე შალვა შავგულიძემ უპასუხა, რომ ლადო „ევროპული საქართველოს“ წარმომადგენლებსა და მურუსიძეს შორის ძალიან დიდი განსხვავებაა და ის „ევროპული საქართველოს“ წევრებთან „წარსულის შეფასებაში“ თანხმდება.

„რაც შეეხება განსხვავებას ბოკერიას მურუსიძესა და ევროპული საქართველოს წარმომადგენლებს შორის ვისთანაც მე მაქვს პოლიტიკური პარტნიორობა. საქმე იმაშია, რომ „ევროპული საქართველო“ და ჩვენ ვთანხმდებით წარსულის შეფასებაში. „ევროპული საქართველოს“ წარმომადგენლები ამბობენ, რომ იყო მიუღებელი და დანაშულებრივი ის უსამართლობა, რაც მაშინ მოხდა. მურუსიძე ამბობს, რომ ის იყო ძალიან სწორი გადაწყვეტილებები, რასაც ის მაშინ იღებდა, რომ ეს გადაწყვეტილებები სხვა არაფერია თუ არა მაშინდელი ხელისუფლების მსახურება და ეს ევროპულმა სასამართლომ დაადგინა და ასე აპირებს გაგრძელებას და ასე აგრძელებს.

ასე, რომ აქ განსხვავება ძალიან დიდია ბატონო ლადო. განსხვავება იმაშია, რომ ერთი მხარე ამბობს-"ევროპული საქართველოს" წარმომადგენლები, რომ ცუდია და აღარ უნდა დავუშვათ. მურუსიძე კიდევ იმას ამართლებს და აგრძელებს იგივეს“,- უპასუხა შალვა შავგულიძემ.

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 06.08.2020
გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ბიზნესოპერაციები მობილური ტელეფონით - ტერაბანკის მობაილბანკი ბიზნესისთვის
ბუნებრივი რესურსების საკონსულტაციო მომსახურება - კოლიერსის და MMS-ის ერთობლივი პროდუქტი
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა