დიდი ბრიტანეთის პრემიერ-მინისტრი ტერეზა მეი დღეს კონსერვატიული პარტიის ლიდერის თანამდებობიდან ოფიციალურად გადადგა, რის შესახებაც 24 მაისს განაცხადა. ამის შესახებ „დოიჩე ველე“ იუწყება.
ახლა უკვე კონსერვატიულმა პარტიამ, ივლისის შუა რიცხვებამდე, ახალი თავმჯდომარე უნდა აირჩიოს. ამ პოსტზე პრეტენზიას 11 პოლიტიკოსი აცხადებს. თუმცა, გამოცემის ინფორმაციით, ყველაზე მეტი შანსი, დამკვირვებლების აზრით, ლონდონის ყოფილ მერსა და საგარეო საქმეთა ყოფილ მინისტრ ბორის ჯონსონს აქვს. ის ევროკავშირიდან დიდი ბრიტანეთის გასვლის მომხრეა.
კონსერვატიული პარტიის თავმჯდომარის თანამდებობიდან წასვლის მიზეზად, ტერეზა მეიმ პარლამენტთან „ბრექსითთან“ დაკავშირებული უთანხმოება დაასახელა.