გიორგი ქობულია - ჩემი მინისტრობის პერიოდში გრიგოლ კაკაურიძეს ვიცნობდი, როგორც  დიდ პროფესიონალს, წესიერ ადამიანს  და ჩემთვის ძნელი წარმოსადგენია, რომ ამ ადამიანს თავზე ხელი აეღო

ჩემთვის რთულია ვიმსჯელო იმაზე , რა მოხდა იქ, მაგრამ მე ჩემი მინისტრობის პერიოდში გრიგოლ კაკაურიძეს ვიცნობდი, როგორც დიდ პროფესიონალს, წესიერ ადამიანს და ჩემთვის ძნელი წარმოსადგენია, რომ ამ ადამიანს თავზე ხელი აეღო და ისეთი გაეკეთებინა, რაც არ შედიოდა მის დაქვემდებარებაში, - ამის შესახებ ეკონომიკისა და მდგრადი განვითარების ყოფილმა მინისტრმა, გიორგი ქობულიამ „პალიტრა ნიუსის“ გადაცემაში „360 გრადუსი“ განაცხადა, როდესაც ისაუბრა ფოთის პორტთან დაკავშირებით ტექნიკური და სამშენებლო ზედამხედველობის სააგენტოს ყოფილი ხელმძღვანელის, გრიგოლ კაკაურიძის მიერ გამოცემულ და შემდეგ უკვე გაუქმებულ ბრძანებაზე.

ყოფილი მინისტრის განცხადებით, როდესაც საზოგადოებისთვის ცნობილი გახდა ზემოხსენებულ ბრძანებაზე და რომელთა დაკავშირებითაც, თავდაპირველად, მის გვარიც გაჟერდა, გრიგოლ კაკაურიძესთან დაკავშირება სცადა, თუმცა უშედეგოდ. გიორგი ქობულაის განმარტებით, მას აინტერესებდა რა ბრძანებას მოეწერა ხელი და კაკაურიძისგან უნდოდა გაეგო, რაზე იყო საუბარი. ქობულია ამბობს, რომ კაკაურიძესთან დაკავშირება ამ დრომდე ვერ შეძლო.

„მე, არ ვიყავი იმ მომენტში და არ ვესწრებოდი იმ დისკუსიებს, რომლებიც შედგა. კაკაურიძესა და მინისტრს შორის მოადგილე დგას. როგორც პარლამენტში გავიგე , ვუსმინე კომენტარს, რომ ამ მოადგილესთან ჰქონდა შეთანხმებული. პრინციპში, საქმე იმაში არ არის ვისთან ჰქონდა შეთანხმებული. რა თქმა უნდა, ეს არის სენსიტიური საკითხი, მაგრამ მგონია, რომ რადგან ეს ბრძანება გაიცა, ჩემი აზრით, , გასაკვირი იყო ამ ბრძანების გაუქმება, ვინაიდან ეს ბრძანება, რეალურად,არაფერს ცვლის. მიჭირს ლოგიკურად ავაწყო ის, რომ საერთოდ რა საჭირო იყო პოლიტიკური მიზნებისთვისაც კი ამ ბრძანების გაუქმება. ამ ბრძანების გაუქმება და ამ საკითხის ასე პოლიტიზირება ერთ-ერთი მაგალითია იმისა, რომ ამან მმართველ ძალას უფრო მეტი ნეგატიური შედეგი მოუტანა , ვიდრე პოზიტიური. ეს არის ჩემი აზრი. ეს როგორ მოხდა, დეტალები არ ვიცი“, - განაცხადა ქობულიამ

მისივე თქმით, გაუგებარია, რა სამართლებრივი არგუმენტი შეიძლება ჰქონდეს მთავრობას იმაზე, რომ ფოთის პორტს უარი უთხრას გაფართოებაზე.

ჩემი მინისტრობის პერიოდში გრიგოლ კაკაურიძეს ვიცნობდი, როგორც დიდ პროფესიონალს

რამაზ საყვარელიძე - ჩვენი საზოგადოების პრობლემა ისაა, რომ მან ახალი ამბიციური და ბრძოლისუნარიანი პოლიტიკური ძალა, ჯერჯერობით, ვერ წარმოშვა
ქართული პრესის მიმოხილვა 20.01.2020
ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
ხელოვნური ინტელექტი და სასამართლო - კიბერმართლმსაჯულება