შვეიცარიაში ქალები თანასწორობის მოთხოვნით აქციებისთვის ემზადებიან

შვეიცარიაში ქალები მთელი ქვეყნის მასშტაბით მასობრივი საპროტესტო აქციების გასამართად ემზადებიან.

აქციის ორგანიზატორების განმარტებით, ისინი უკმაყოფილოები არიან იმ ტემპით, რომლითაც ქვეყანა თანასწორობისკენ მიდის.

უკანასკნელი მასშტაბური აქციიდან, რომელიც შვეიცარიაში გენდერული თანასწორობის მოთხოვნით გაიმართა, 28 წელი გავიდა. მაშინ ქუჩაში ნახევარი მილიონი ქალი გამოვიდა. ისინი საკმაოდ დიდი ხნის განმავლობაში იბრძოდნენ თანასწორობის მისაღწევად, რადგან ჯერ კიდევ 1991 წელს ქალები არ იკავებდნენ მნიშვნელოვან პოლიტიკურ პოზიციებს და ქვეყანაში არ არსებობდა დეკრეტული შვებულება.