ჰონგ-კონგის ხელისუფლებამ ექსტრადირების შესახებ კანონის მიღება დროებით გადადო. ჰონგ კონგის ლიდერი ამ დრომდე აცხადებდა, რომ ექსტრადირების კანონზე უარის თქმას არ აპირებდა, თუმცა მას მრჩეველებმა სთხოვეს, რომ კანონპროექტის მიღების პროცესი დროებით შეეჩერებინა.

ექსტრადირების კანონპროექტი შესაძლებლობას იძლევა, რომ ჰონგ კონგიდან პატიმრები კონტინენტურ ჩინეთში გადაიყვანონ და იქ გაასამართლონ.

ჰონგ კონგის მოსახლეობა აღნიშნულ კანონპროექტს უსამართლოს უწოდებს და ჩინეთს მოუწოდებს მათ საქმეში არ ჩაერიონ.

კანონპროექტზე მუშაობის შეწყვეტის მოთხოვნით ჰონგ კონგში მასშტაბური საპროტესტო აქციები გაიმართა, რომელიც დემონსტრანტებსა და სამართალდამცველებს შორის შეტაკებით დასრულდა.