რუსთაველის გამზირზე ერთ-ერთი დაშავებულის დედა - ჩემ შვილს ყბა აქვს დამსხვრეული, 2 ოპერაცია ჩაუტარდა, შესაძლოა, სამი დღე მართვით სუნთქვაზე იყოს

რუსთაველის გამზირზე დაშავებული ერთ-ერთი პირის დედის ლია წიკლაურის ინფორმაციით, მის შვილს რეზინის ტყვია ყბაში ჰქონდა გაჭედილი და ორი ოპერაცია გაუკეთეს. როგორც ლია წიკლაურმა ჟურნალისტებს „ნიუ ჰოსპიტალსის" კლინიკაში განუცხადა, შესაძლოა, მას მესამე ოპერაციაც დასჭირდეს.

"ჩემ შვილს ყბა აქვს დამსხვრეული, შეიძლება ნეკროზი წავიდეს ისეთი მდგომარეობაა. თვალი ამოაცალეს ჩვენს გვერდით გოგონას. განა რა დააშვა ამ ბავშვმა რომ ტყვიებით არის დაზიანებული? ის ტყვიებიც შენახულია და მოგვცემენ. შედით და ნახეთ, რა დღეში არიან დამტვრეულ-დაშავებულები. ჩემი შვილი 3 დღე მართვით სუნთქვაზე იქნება, დაკვირვების ქვეშ, 2 ოპერაცია ჩაუტარდა და შესაძლოა მესამეთი „დაგვაჯილდოვონ“ კიდევ. ყბაში ჰქონდა გაჭედილი რეზინის ტყვია. ჩვენთან არავინ მოსულა აბსოლუტურად, ექიმები ძალიან ყურადღებიანები არიან, მადლობას ვუხდით მათ",- განაცხადა წიკლაურმა.

მისივე ინფორმაციით, ერთ-ერთ პაციენტს თვალი და ყბა აქვს დაზიანებული.

„კონსილიუმი უნდა შეიკრიბოს. ოპერაციას ვერ უკეთებენ, თვალი და ყბა ისე აქვს დაზიანებული. რის გამო მოხდა ეს?! პასუხისმგებლობას ვაკისრებ ქუცნაშვილს და მთელ მთავრობას",- განაცხადა წიკლაურმა.

იხილეთ ვიდეო: "ჩემ შვილს ყბა აქვს დამსხვრეული, თვალი ამოაცალეს ჩვენს გვერდით გოგონას, ჩემი შვილი 3 დღე მართვით სუნთქვაზე იქნება" - ერთ-ერთი დაშავებულის დედა

ხათუნა ბურკაძე - საქართველოს ნატო-ში ინტეგრაციის პროცესი დასაჩქარებელი და ბუქარესტის სამიტის თითქმის 12-წლიანი დაპირებები შესასრულებელია
ქართული პრესის მიმოხილვა 15.02.2020
არმაზ ახვლედიანი -  უგუნური, დანაშაულებრივი ქმედებებით ივანიშვილი პროვოცირებას უკეთებს მოვლენების ყველაზე არასასურველი სცენარით განვითარებას
"ევრონიუსის" აღმასრულებელმა დირექტორმა, მაიკლ პიტერსმა ქართულ მედიას "ევრონიუს საქართველოს" მთავარი რედაქტორი წარუდგინა
კომპანია Domson’s Engineering & Construction-მა Forbes Georgia-ს 2019 წლის დაჯილდოებაზე Property-ს ჯილდო მოიპოვა
ევროკავშირის ქვეყნებში ნებისმიერ საბანკო ანგარიშზე თანხის გადარიცხვა სწრაფად და იაფად იქნება შესაძლებელი
Galaxy S20, S20+ და S20 Ultra-ს წინასწარი შეკვეთები უკვე დაიწყო
„მაკდონალდს საქართველო“ ირჩევს HAVI-ს, როგორც სანდო ლოგისტიკურ პარტნიორს