თსუ-ში, „პაატა გუგუშვილის სახელობის სამეცნიერო პრემიის” გადაცემის ცერემონიალი გაიმართა
თსუ-ში, პაატა გუგუშვილის სახელობის ეკონომიკის ინსტიტუტის 75 წლისთავისადმი მიძღვნილი საერთაშორისო სამეცნიერო კონფერენციის ფარგლებში, „პაატა გუგუშვილის სახელობის სამეცნიერო პრემიის” გადაცემის ცერემონიალი გაიმართა.
საკონკურსო კომისიის გადაწყვეტილებით ეკონომიკური მეცნიერების დარგში შესრულებული მნიშვნელოვანი სამეცნიერო ნაშრომისთვის პაატა გუგუშვილის პრემია მოიპოვეს ეკონომიკის მეცნიერებათა დოქტორმა, პროფესორმა სოლომონ პავლიაშვილმა და ეკონომიკის დოქტორმა ზურაბ გარაყანიძემ მონოგრაფიისათვის - „საქართველოს სატრანსპორტო დერეფანი: პრობლემები და პერსპექტივები“.
აკადემიკოს პაატა გუგუშვილის სახელობის სამეცნიერო პრემია ინსტიტუტის მეცნიერ თანამშრომლებისათვის ინსტიტუტის ინიციატივით 2019 წელს დაარსდა და მასში მონაწილეობის მიღება შეუძლია ქვეყნის მასშტაბით მოღვაწე ყველა მეცნიერს. პრემია ენიჭება საქართველოს მოქალაქეს ბოლო 5 წლის მანძილზე გამოქვეყნებული ეკონომიკური მეცნიერების დარგში შესრულებული მნიშვნელოვანი სამეცნიერო ნაშრომის ან ნაშრომთა ციკლისათვის.
პრემიის მიზანია საქართველოში ეკონომიკური მეცნიერების შემდგომი განვითარებისათვის ხელშეწყობა.
v-if="article.gallery" v-html="article.gallery"
