გიორგი ჩოგოვაძე - მგზავრთნაკადის 4-ჯერ ზრდა საშუალებას მოგვცემს, საქართველო დავიტანოთ რუკაზე, როგორც რეგიონის ცენტრი ევროკავშირის მიმართულებით დაბალბიუჯეტიანი რეისების შეთავაზებისთვის

ქუთაისის საერთაშორისო აეროპორტის ახალი ტერმინალის მშენებლობით გათვალისწინებული მეორე ფაზის სამუშაოები დასასრულს უახლოვდება. როგორც „ინტერპრესნიუსს“ „საქართველოს აეროპორტების გაერთიანებიდან“ აცნობეს, მთავრდება ფასადისა და სახურავის მოწყობა. პარალელურად მიმდინარეობს სამშენებლო სამუშაოების მესამე ეტაპი, რაც საინჟინრო-კომუნიკაციების მოწყობას გულისხმობს. სამშენებლო სამუშოები ეკონომიკისა და მდგრადი განვითარების მინისტრის მოადგილე აკაკი საღირაშვილმა და „საქართველოს აეროპორტების გაერთიანების“ დირექტორმა გიორგი ჩოგოვაძემ დაათვალიერეს.

ახალი სამგზავრო ტერმინალის მშენებლობის დასრულების შემდეგ აეროპორტს 7 გასასვლელი (ე.წ. Gate) ექნება და საათში 1200 მგზავრის შეუფერხებლად გატარებას შეძლებს, რაც აეროპორტის გამტარუნარიანობას ოთხჯერ გაზრდის.

„ქუთაისის საერთაშორისო აეროპორტის გაფართოება აქტიურ ფაზაშია. ოთხმაგდება აეროპორტის გამტარუნარიანობა. ახალი ტერმინალის მშენებლობის დასრულების შემდეგ, ქუთაისის საერთაშორისო აეროპორტი დაახლოებით ორ მილიონ მგზავრზე იქნება გათვლილი,“ - განაცხადა აკაკი საღირაშვილმა.

ამასთან, მშენებლობის დასრულების შემდეგ ქუთაისს ექნება თანამედროვე ტიპის ოთხსართულიანი აეროპორტი სრულიად უნიკალური ე.წ. მწვანე გადახურვით, სადაც გათვალისწინებული იქნება ღია ვერანდა გამწვანებით.

„ქუთაისის საერთაშორისო აეროპორტის ახალი სამგზავრო ტერმინალის კარკასის მშენებლობის, მისი შეფუთვისა და გადახურვის შემდეგ ამჟამად მიმდინარეობს საინჟინრო-სისტემების მონტაჟი. ეს ყველაფერი ჩვენ გვჭირდება იმისთვის, რომ ქუთაისი ვაქციოთ რეგიონულ ცენტრად ევროკავშირის ქვეყნებთან დაკავშირების ნაწილში. ჩვენ გვაქვს ამბიციური გეგმა, გავზარდოთ რეისებისა და ავიაკომპანიების რაოდენობა, მათ შორის დაბალბიუჯეტიანი ავიაკომპანიების. მგზავრთნაკადის რაოდენობის ოთხჯერ ზრდა საშუალებას მოგვცემს, რომ საქართველო დავიტანოთ რუკაზე, როგორც რეგიონის ცენტრი ევროკავშირის მიმართულებით დაბალბიუჯეტიანი რეისების შეთავაზებისთვის,“ - განაცხადა გიორგი ჩოგოვაძემ.

„საქართველოს აეროპორტების გაერთიანების“ ცნობით, მშენებლობის დასრულების შემდეგ დაიწყება არსებული და ახალი ტერმინალის შენობების შეერთების ფაზა, რის შემდეგაც ორივე ტერმინალი გაერთიანდება და იქნება საერთო ტერმინალი, მოფრენისა და გაფრენის დარბაზებით და ყველა იმ აღჭურვილობით, რომლებიც აეროპორტის ოპერირებისთვისაა მნიშვნელოვანი.

ქუთაისის საერთაშორისო აეროპორტის განახლებული ტერმინალის დიზაინი ჰოლანდიურ არქიტექტურულ კომპანია UNStudio-ს ეკუთვნის. აეროპორტის განვითარების ანალიზი მომზადდა IATA ქონსალთინგის მიერ, რომელმაც ყველა ის ძირითადი სტანდარტი განსაზღვრა, რასაც აეროპორტი უნდა აკმაყოფილებდეს.

ლევან ბოძაშვილი - ახლა არაორდინარული, არასტანდარტული გადაწყვეტილებების დროა
ქართული პრესის მიმოხილვა 26.03.2020
სოსო არჩვაძე - ეროვნული ვალუტის კურსის რყევამ  შეიძლება სერიოზულად დააზიანოს ის შედეგები, რაც მიღწეულია მთავრობის მიერ
კომპანია "ლისი დეველოპმენტმა" მთავრობის მიერ შექმნილ StopCov ფონდში 50 000 ლარი გადარიცხა
„ვისოლ ჯგუფი“ თბილისის მერიასთან ერთად მარტოხელა მოხუცებს ყოველდღიური მოხმარების საგნებითა და საკვები პროდუქტებით მოამარაგებს
„სოკარმა“ STOPCOV ფონდის მხარდასაჭერად საქართველოს ბიზნეს ასოციაციაში 200 000 ლარი ჩარიცხა
ბაზისბანკის ვიდეობანკი ციფრული სერვისების გასააქტიურებლად
შპს "ფერიმ" და სს "დარიალი ენერჯიმ" კორონავირუსთან ბრძოლის ფონდს ნახევარი მილიონი ლარი გადაურიცხა
ლიბერთის პროგრამა აპრილის პენსიების წინასწარ ჩარიცხვის მიმართულებით ყველა ასაკის პენსიონერზე გავრცელდება