ლევან დავითაშვილი - მნიშვნელოვანია, შევინარჩუნოთ ის სავაჭრო ურთიერთობები, რაც გვაქვს რუსეთთან, ჯერჯერობით ემბარგო არ გვაქვს, არც გამკაცრებული კონტროლის რეჟიმი ღვინის მიმართ

მნიშვნელოვანია შევინარჩუნოთ ის სავაჭრო ურთიერთობები, რომლებიც გვაქვს რუსეთის ფედერაციასთან. ჯერჯერობით, ემბარგო არ გვაქვს, არც გამკაცრებული კონტროლის რეჟიმი ქართული ღვინის მიმართ, მაგრამ მე ვფიქრობ, რომ სიტუაცია სტაბილური გახდება, - ამის შესახებ გარემოს დაცვისა და სოფლის მეურნეობის მინისტრმა ლევან დავითაშვილმა, კახეთში, ბიზნესსექტორისა და ადგილობრივი ფერმერების შეხვედრაზე განაცხადა.

ლევან დავითაშვილის განმარტებით, პროცესები პოლიტიკისგან გამიჯნული უნდა იყოს. მისივე განმარტებით, რუსეთთან არსებულ სავაჭრო ურთიერთობებში პროგრესი შენარჩუნებული უნდა იყოს, რადგან ეს რამდენიმეწლიანი მუშაობის შედეგია.

„ჩვენმა ხელისუფლებამ წლებია დაამტკიცა, რომ პრაგმატული პოლიტიკის წარმოება შესაძლებელია. ტერიტორიული მთლიანობა არის უმნიშვნელოვანესი პრიორიტეტი. იმედია, რომ პროცესები იქნება გამიჯნული პოლიტიკისგან. ჯერჯერობით სახეზე არ გვაქვს ემბარგო და დიდი იმედი მაქვს, პროგრესი შენარჩუნებული იქნება. იმიტომ, რომ ეს რამდენიმეწლიანი, ორივე ქვეყნის მიერ წარმოებული სამუშაო პროცესის შედეგია. დაუშვებელია ეს ერთი ხელის მოსმით გაჩერდეს. პროცესი იყო საკმაოდ ხანგრძლივი და ჩვენ ამ პროცესში მივაღწიეთ საკმაო შედეგს სავაჭრო ურთიერთობის თვალსაზრისით.

ვიმედოვნებ, რომ დიალოგის ფორმატში შევძლებთ თავიდან ავიცილოთ ემბარგო, რადგან ეს იყო ჩვენი მოსახლეობის დიდი ნაწილის მოთხოვნა. რეგიონებში ჩვენ გვყავს ბევრი ადამიანი, რომელთა უკან დგას როგორც დასაქმებული, ასევე ბევრი პარტნიორი მომწოდებელი ფერმერი, გლეხი, რომლის შემოსავალიც დამოკიდებულია ამ სავაჭრო ურთიერთობებზე, ცალკე სასაუბრო თემაა დივერსიფიკაცია და ა.შ. დღეს კონკრეტულ საკითხებზე როცა ვსაუბრობთ, მნიშვნელოვანია შევინარჩუნოთ ის სავაჭრო ურთიერთობები, რომლებიც გვაქვს რუსეთის ფედერაციასთან. მათ შორის აგროსასურსათო თუ ტურიზმის სფეროში. ჯერჯერობით ემბარგო არ გვაქვს, არც გამკაცრებული კონტროლის რეჟიმი ქართული ღვინის მიმართ, მაგრამ მე ვფიქრობ, რომ სიტუაცია სტაბილური გახდება და პროგრესი შენარჩუნებული იქნება“, - განაცხადა ლევან დავითაშვილმა.

მნიშვნელოვანია რუსეთთან სავაჭრო ურთიერთობები შევინარჩუნოთ, ვიმედოვნებ, შევძლებთ თავიდან ავიცილოთ ემბარგო

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს