ყაზახეთის პოლიციამ ათობით დემონსტრანტი დააკავა, რომლებიც ქვეყნის მსხვილ ქალაქებში შეიკრიბნენ და ყოფილ პრეზიდენტ ნურსულთან ნაზარბაევს ძალაუფლების დათმობისკენ მოუწოდებდნენ.
ნაზარბაევი, რომელიც პრეზიდენტის პოსტიდან მარტში გადადგა, ამჟამად ეროვნული ლიდერის სტატუსს ატარებს და უშიშროების საბჭოს ხელმძღვანელია. დემონსტრანტები დედაქალაქ ნურსულთანისა და სხვა ქალაქების ქუჩებში სპეციალურად ნაზარბაევის დაბადების დღეს შეიკრიბნენ. „გაიღვიძე ყაზახეთო“, „მოხუცი კაცი უნდა წავიდეს“ - სკანდირებდნენ დემონსტრანტები.