დეკანოზი დავით ისაკაძე - მოინანიეთ, ვისაც სოდომის ცოდვის სნეულება გჭირთ, მიგიღებთ,  არ გკრავთ ხელს, მაგრამ ნუ შეგვიგინებთ სიწმინდეს და რუსთაველზე ნუ გამოივლით

მოინანიეთ ჩემო კარგებო, ვისაც სოდომის ცოდვის სნეულება გჭირთ. მე მესმის, რომ თქვენ გწნეხავენ, უფლებადამცველებს ფული აინტერესებთ, ხელისუფლება წნეხშია საელჩოებიდან, საიდანაც ეს უბედურება მოდის, მაგრამ ამაზე მაღლა უნდა დავდგეთ ქართველები, - ასე მიმართა რუსთაველის გამზირზე, პარლამენტის წინ შეკრებილებს დეკანოზმა დავით ისაკაძემ და აღნიშნა, რომ მათი მიზანი დაპირისპირება არაა.

სასულიერო პირის თქმით, ისინი არ დაუშვებენ, რომ „მამათმავლობისა და დედათმავლობის სნეულებით დაავადებულებმა“ რუსთაველის გამზირზე მსვლელობა გამართონ.

„ვაკვირდებით პროცესებს და ფაქტობრივად ვერ ვხედავ ადამიანებს, ვინც მამათმავლობის და დედათმავლობის სნეულებით არიან დაავადებული. უფრო მეტი ის ადამიანები ჩანან აქ, ვინც მათი მხარდამჭერები,. ე.წ უფლებადამცველები არიან, ვინც გრანტებით იკვებებიან.

ჩემო კარგებო, ვინც ამ გზით დადიხართ, ვისაც სოდომის ცოდვის სნეულება გჭირთ, მოინანიეთ, გვერდში დაგიდგებთ, მაგრამ თქვენს ქადაგებას არ დავუშვებთ საქართველოში, ეს იცოდეთ. ზნეობა და სიწმინდე უნდა დავიცვათ. მიგიღებთ არ არის პრობლემა, მოდით ჩვენთან, არ გკრავთ ხელს, მაგრამ ნუ შეგვიგინებთ ჩვენს სიწმინდეს, აქ ნუ გამოივლით, არ დაგიშვებთ გამორიცხულია. მთელი ამერიკა, რომ ჩამოვიდეს, აქ ვერ გაივლით. ჩვენ ცოტა სხვა ხალხი ვართ, ამერიკელებმა ვიეტნამში წააგეს, საქართველოში ვერ წააგებენ? - წააგებენ“,-განაცხადა პარლამენტის წინ სიტყვით გამოსვლისას დავით ისაკაძემ.

დავით ისაკაძის თქმით, „ მიშა მშვილდაძეები და ვიღაც სერენადების ავტორები“ დროზე უნდა მოვიდნენ გონს და წავიდნენ იქ, საიდანაც იმართებიან.

„აქ ჩვენ მხარდამჭერები, უამრავი ხალხი მოვა, ძალიან ბევრი ადამიანი მოდის. ამიტომ, სამართალდამცველებს ვთხოვ, ძალიან ჩაკეტონ ეს პერიმეტრი და არ შემოუშვან ეს საცოდავი ადამიანები სასტვენები, წყლები რომ დაურიგეს, რაღაც მაისურები რომ ჩააცვეს-გახარია გადადექი და ა.შ უცხოურ ენაზე „გოუ“ და რაღაც... თავი დაანებეთ ქართველებზე ზეწოლას, ჩვენ ვერ მოგვიგებთ, გამორიცხულია!“, - განაცხადა დეკანოზმა დავით ისაკაძემ.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 27.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
სასიამოვნო სიურპრიზი „ტოიოტასგან“ საავტომობილო რბოლის მოყვარულთათვის
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“