პარლამენტის შენობის წინ შეკრებილი სასულიერო პირები პარაკლისს აღავლენენ. „თბილისი პრაიდის“ საწინააღმდეგო აქციის ორგანიზატორთა ინფორმაციით, ისინი მთელი დღის განმავლობაში იქნებიან პარლამენტის წინ. „პრაიდის“ მოწინააღმდეგეებს ორი მთავარი მოთხოვნა აქვთ: გაუქმდეს ანტიდისკრიმინაციული კანონი და პარლამენტმა მიიღოს კანონი, რომელიც „გარყვნილების პროპაგანდას აკრძალავს“.

დღესვე, 19:00 საათზე კი პარლამენტის შენობის წინ, რუსული ოკუპაციისა და გახარიას გადადგომის მოთხოვნით, აქციაც უნდა გაიმართოს. ამ აქციის მონაწილეები პუშკინის სკვერში შეიკრიბებიან და პარლამენტამდე მსვლელობას მოაწყობენ.