სანდრო ბრეგაძე - არასოდეს დავუშვებთ „ცოდვინისტების“ ზეიმს საქართველოში
პარლამენტის შენობის წინ მიმდინარე “ლგბტ პრაიდის” წინააღმდეგ მიმართულ აქციას ქართული მარშის წარმომადგენლებიც შეუერთდნენ. “მარშის” ერთ-ერთი ლიდერის, სანდრო ბრეგაძის განცხადებით, ქართველი ერი არასდროს დაუშვებს საქართველოში გეი აღლუმის ჩატარებას.
"ჩვენ გამოვედით ლგბტ ზეიმის წინააღმდეგ და ვაცხადებთ, რომ ქართველი ერი არასოდეს დაუშვებს საქართველოში გეი აღლუმს. ეს უნდა იცოდეს აბსოლუტურად ყველამ. არც წელს, არც მომავალ წელს და არც არასოდეს, რადგანაც საქართველო არის უძველესი ტრადიციების და კულტურის მქონე ქვეყანა. თქვენ ხედავთ, რამდენი ხალხი გამოვიდა ამის წინააღმდეგ, კიდევ უფრო ბევრი ხალხი გამოვა და არასოდეს დავუშვებთ „ცოდვინისტების“ ზეიმს საქართველოში. მე ვფიქრობ, რომ ყველამ უნდა შეიგნოს ეს და ერთხელ და საბოლოოდ თავი დაანებონ პროვოკაციებს," - განაცხადა ბრეგაძემ.
v-if="article.gallery" v-html="article.gallery"
