შსს უარყოფს ინფორმაციას, რომ თბილისში მიმდინარე აქციებზე საკმარისი რაოდენობის პოლიციელები არ იმყოფებიან

შინაგან საქმეთა სამინისტრო უარყოფს ინფორმაციას, რომ თბილისში მიმდინარე აქციების ადგილებზე პოლიციელთა საკმარისი რაოდენობა მობილიზებული არაა.

როგორც „ინტერპრესნიუსს“ უწყებაში განუცხადეს, აქციების მონაწილეთა უსაფრთხოების დაცვა უზრუნველყოფილია.

„დღეს, თბილისში, სხვადასხვა ადგილას ერთდროულად მიმდინარეობს საპროტესტო აქციები. აქციის ადგილებზე უსაფრთხოების ზომების და მართლწესრიგის უზრუნველსაყოფად მობილიზებული არიან შესაბამისი რაოდენობის საპოლიციო დანაყოფები“, - აცხადებენ შსს-ში.