ევროკომისარი - საქართველო ევროკავშირისთვის უმნიშვნელოვანესი პარტნიორია

ჰუმანიტარული დახმარებისა და კრიზისების მართვის საკითხებში ევროკომისარის ქრისტოს სტილიანიდისის განცხადებით, ევროკავშირი და საქართველო დაინტერესებულნი არიან გააძლიერონ თანამშრომლობა სხვადასხვა მიმართულებით, - ამის შესახებ „ინტერპრესნიუსს“ საგარეო საქმეთა სამინისტროდან აცნობეს.

მისი განცხადებით, სწორედ ამის დასტურია ბათუმის საერთაშორისო კონფერენციის ფარგლებში საქართველოსა და ევროკავშირს შორის ხელმოწერილი შეთანხმებები, რომელიც უსაფრთხოების გაძლიერებას და ეკონომიკური მმართველობის გაუმჯობესებას გულისხმობს.

„ევროკავშირის სახელით გვსურს კიდევ ერთხელ დავადასტუროთ, რომ ჩვენთვის აღმოსავლეთ პარტნიორობა მართლაც ღირებული ინიციატივაა. მე არაერთხელ მითქვამს რომ საქართველო არა მარტო მეზობელი, არამედ უმნიშვნელოვანესი პარტნიორია. აღმოსავლეთ პარტნიორობისა და მთელი რიგი შეთანხმებების მეშვეობით, რომელთაგან ერთ-ერთს ხელი დღეს მოვაწერეთ, ჩვენ კიდევ ერთხელ ვადასტურებთ, რომ საქართველო არა მხოლოდ მეზობელი, არამედ ძირითადი პარტნიორია. სწორედ ამიტომ ვიყენებთ ამ ძალიან კონკრეტულ, ზუსტ სიტყვას პარტნიორობის აღსანიშნავად. გვწამს რომ ჩვენ შევძლებთ თანამშრომლობის გაძლიერებას მთელ რიგ სფეროებში“,-განაცხადა ევროკომისარმა.

აღსანიშნავია, რომ ქრისტოს სტილიანიდისმა ბათუმის საერთაშორისო კონფერენციის ფარგლებში მონაწილეობა მიიღო კონფერენციის სესიაში „20 მიზანი ეკონომიკურად მდგრადი პარტნიორობისთვის“, რომელიც აღმოსავლეთ პარტნიორობის ქვეყნებსა და ევროკავშირის ეკონომიკურ ურთიერთობებს შეეხებოდა.

ევროკომისარმა, საქართველოს საგარეო საქმეთა მინისტრთან დავით ზალკალიანთან ერთად მონაწილეობა მიიღო საქართველოსა და ევროკავშირს შორის უსაფრთხოების გაძლიერებასა და ეკონომიკური მმართველობის გაუმჯობესებასთან დაკავშირებული შეთანხმებების გაფორმების ცერემონიაში.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს