სადაზღვევო კომპანია „ევროინს ჯორჯიას“ გენერალური დირექტორი იაკობ ედილაშვილი 11 ივლისს, ბათუმში, აღმოსავლეთ პარტნიორობის პირველ საინვესტიციო ფორუმს დაესწრო.
ფორუმში მონაწილეობდნენ: საქართველოს, უკრაინის,სომხეთის, აზერბაიჯანის, მოლდოვას საინვესტიციო სააგენტოები, მსხვილი ბიზნესგაერთიანებები, უმაღლესი თანამდებობის პირები, ევროპის რეკონსტრუქციისა და განვითარების ბანკის მაღალი რანგის წარმომადგენლები.
„აღმოსავლეთ პარტნიორობის პირველი საინვესტიციო ფორუმი მნიშვნელოვანია, როგორც კიდევ ერთი პლატფორმა საქართველოს და სხვა აღმოსავლეთ პარტნიორობის ქვეყნების ეკონომიკური ინტეგრაციის თვალსაზრისით, რასაც კომპანია ევროინსი მხარს უჭერს და ამ მიმართულების განსავითარებლად აქტიურად არის ჩართული“, - განაცხადა ევროინსის გენერალურმა დირექტორმა იაკობ ედილაშვილმა.
(R)