„ერთიანი ნაციონალური მოძრაობის“ წევრი, ხატია დეკანოიძე თბილისის საქალქო სასამართლოში მივიდა, სადაც ის მაგისტრატი მოსამართლის თანდასწრებით უნდა დაიკითხოს.

როგორც დაკითხვის დაწყებამდე ხატია დეკანოიძემ ჟურნალისტებს განუცხადა, ის სხდომის საჯაროდ ჩატარებას მოითხოვს, ვინაიდან საზოგადოებას უნდა აჩვენოს, რომ საქმეში მტკიცებულებები არ აქვთ.

ცნობისთვის, ოპოზიციონერი ლიდერები - ხატია დეკანოიძე, გუბაზ სანიკიძე, ირაკლი ღლონტი და ბაჩუკი ქარდავა შს სამინისტრომ გამოკითხვაზე 12 ივლისს დაიბარა. ისინი სსკ-ის 225-ე მუხლით მიმდინარე გამოძიების ფარგლებში, რაც ჯგუფური ძალადობის ორგანიზებას, ხელმძღვანელობას ან მასში მონაწილეობას გულისხმობს, მოწმის სახით არიან გამოკითხვაზე დაბარებული.