ადვოკატის განცხადებით, ხელისუფლება დაკავებულ მომიტინგეებს პოლიტიკურად დევნის

საზოგადოებამ არ უნდა მისცეს ხელისუფლებას იმის საშუალება, რომ მომიტინგეები, რომელთა მიმართ განხორციელდა აქტიური ძალადობა, თითო-თითოდ გამოგვაცალონ და დასაჯონ იმის გამო, რომ მათ გააპროტესტეს გავრილოვის ჩამოსვლა საქართველოში, - ამის შესახებ 20 ივნისის ღამით პოლიციელებზე თავდასხმის ბრალდებით დაკავებული ვატო გელაშვილის ადვოკატმა ვახტანგ იაშვილმა განაცხადა.

მისივე თქმით, მთავრობის მხრიდან ეს არის პოლიტიკური დევნა და წარდგენილი მტკიცებულებებით სასამართლოში რამის დამტკიცება ძალიან გაუჭირდებათ.

"ამ მთავრობისგან, რომელიც სამწუხაროდ ახორციელებს მომიტინგეთა პოლიტიკურ დევნას, ბუნებრივია, ყველაფერია მოსალოდნელი. თუ ამ მტკიცებულების გარდა, რომელიც წარმოადგინეს არაფერი აქვთ, ამ შემთხვევაში ძალიან გაუჭირდებათ სამართლებივ და თავისუფალ სასამართლოში რამის დამტკიცება. იმის გათვალისწინებით, რაც ჩვენ ვნახეთ მაგალითად თამლიანის და სხვა ბრალდებულების საკითხებზე, სადაც არ არსებობდა ბრალის წარდგენის საფუძველი და მიუხედავად ამისა მაინც შეუფარდეს პატიმრობა, ამის გათვალისწინებით, დაახლოებით იგივე შედეგებს ველით ჩვენი დაცვის ქვეშ მყოფის შემთხვევაშიც. გასათვალისწინებელია ის გარემოებაც, რომ საქმეს იძიებს პოლიცია და შეუძლებელია საკუთარი თავი დაადანაშაულოს. საზოგადოებამ არ უნდა მისცეს ხელისუფლებას იმის საშუალება, რომ მომიტინგეები, რომელთა მიმართ განხორციელდა აქტიური ძალადობა თითო-თითოდ გამოგვაცალონ და დასაჯონ იმის გამო, რომ მათ გააპროტესტეს გავრილოვის ჩამოსვლა საქართველოში და მისი მოთავსება პარლამენტის თავმჯდომარის სავარძელში." - განაცხადა ვახტანგ იაშვილმა.

შეგახსენებთ, რომ შსს-ს განმარტებით, 1979 წელს დაბადებული ვატო გელაშვილი ფიზიკურად და სიტყვიერად უპირისპირდებოდა სამართალდამცავებს და აგრესიულად ცდილობდა პარლამენტის ტერიტორიაზე შეჭრას

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა