პარტია “ქართული ოცნების“ აღმასრულებელი მდივნის ირაკლი კობახიძის შეფასებით, აჭარაში თორნიკე რიჟვაძე საუკეთესო პარტიული ხელმძღვანელი იქნება.

როგორც კობახიძემ ჟურნალისტებს განუცხადა, თორნიკე რიჟვაძე არის როგორც აჭარის მთავრობის ლიდერი, ასევე პარტიული ლიდერი.

“შესაბამისად, ლოგიკურია, რომ ის მიიღებს უმაღლეს პარტიულ თანამდებობას. თორნიკე რიჟვაძე არის არაჩვეულებრივი პიროვნება, პროფესიონალი. ის ძალიან კარგად უძღვება თავის ძირითად საქმიანობას ანუ ხელმძღვანელობს აჭარის მთავრობას. ამასთან ერთად, ვფიქრობ, რომ ის იქნება საუკეთესო პარტიული ხელმძღვანელი აჭარის ავტონომიურ რესპუბლიკაში“,- განაცხადა “ქართული ოცნების“ აღმასრულებელმა მდივანმა მედიასთან, შეხვედრის დასრულების შემდეგ.

დღეს “ქართული ოცნება - დემოკრატიული საქართველოს” აჭარის რეგიონული ორგანიზაცია დაფუძნდა. ორგანიზაციის თავმჯდომარედ აჭარის ავტონომიური რესპუბლიკის მთავრობის თავმჯდომარე თორნიკე რიჟვაძე წარადგინეს.