ვაზაგაშვილი მოკლეს და მის მიმართ მართლმსაჯულება არ განხორციელდა, - ამის შესახებ პარლამენტის თავდაცვისა და უშიშროების კომიტეტის თავმჯდომარემ ირაკლი სესიაშვილმა განაცხადა. ის გამოეხმაურა სტრასბურგის სასამართლოს გადაწყვეტილებას, რომელმაც საქართველოს სახელმწიფოს, 2006 წელს კორტებთან ჩატარებული სპეცოპერაციისას მოკლული ზურაბ ვაზაგაშვილის ოჯახისთვის 50 ათასი ევროს გადახდა დააკისრა.

"თავად ვაზაგაშვილის ისტორია არის ძალიან ტრაგიკული. მე მას პირადად ვიცნობდი და თვალწინ მიდგას იმ ადამიანის ტკივილი. ამ ტკივილის გამოხატვა და მისი ბრძოლაც თითოეული ჩვენგანისთვის სიმბოლური იყო. ჩემთვის ეს ძალიან მძიმე შესაფასებელია და აქ ფული განმსაზღვრელი არ არის, აქ მთავარია, რომ ვაზაგაშვილი მოკლეს და მის მიმართ მართლმსაჯულება არ განხორციელდა. სამწუხაროდ, ჩვენ ამ გადაწყვეტილებას მის გარეშე ვისმენთ", - განაცხადა სესიაშვილმა.