"გაწიე კედელი, ზღვა დამანახე", „ბათუმის რივიერა ცათამბჯენების გარეშე",- ამ ლოზუნგებით ბათუმში მცხოვრებთა ნაწილმა საპროტესტო აქცია გამართა. შეკრებილები აცხადებენ, რომ ცათამბჯენების მშენებლობით ქალაქის ისტორიული იერსახის დაკარგვა მოხდება.

აქციის მონაწილეები პროექტის შესაჩერებლად ხელმოწერების შეგროვებას იწყებენ.

„მოვითხოვთ, რომ რივიერა დაუბრუნდეს ისტორიულ დაცვის ზონას და შეუნარჩუნდეს ქალაქს, როგორც ერთადერთი მწვანე და ღია სივრცე, წინააღმდეგ შემთხვევაში, ისტორიული ბათუმი დაკარგავს ზღვისპირა ქალაქის იდენტობას. ვაგროვებთ ხელმოწერებს იმის დემონსტრირებისთვის, რომ ბევრი მოქალაქეა ამ პროექტის წინააღმდეგი", - განაცხადეს აქციის მონაწილეებმა.