გამანაწილებელ ქსელში დაგეგმილი სარეაბილიტაციო სამუშაოების გამო, 23 ივლისს, 14:00-დან 15:00 საათამდე ენერგომომარაგება დროებით შეიზღუდება. ამის შესახებ „ინტერპრესნიუსს“ კომპანია „ენერგო პრო ჯორჯიადან“ აცნობეს.

დაგეგმილი სარეაბილიტაციო სამუშაოების გამო ენერგომომარაგება შეეზღუდებათ მომხმარებლებს მცხეთის მუნიციპალიტეტის სოფლებში საგურამო, ახალსოფელი, წიწამური, ზედაზნის გზის მიმდებარე ტერიტორიაზე, ხოლო 15:00-დან 16:00 საათამდე - წეროვანში, ზემო წეროვანში, კვლევითი ინსტიტუტის დასახლებაში, წილკნის ტერიტორიაზე.

სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება, - აღნიშნულია ინფორმაციაში.