სტრასბურგი და ხვალეო!..

ვინ როგორ წიაღსვლებშიც არ უნდა წავიდეს (კონსპირაციული თეორიების ჩათვლით) და რაც არ უნდა ფეისბუკის „wall“-ზე ჩამჭრელი თუ თითიდან გამოწოვილი პოსტები აქვეყნოს, ევროპის სასამართლოს ამა თუ იმ გადაწყვეტილების გამო, რეზიუმე არის ერთი: როგორც ამას წინათ „რუსთავი 2“-ის ჟურნალისტმა თენგო გოგოტიშვილმა ნუგზარ ჯუღელის ფრთიანი ფრაზა გამოიყენა და თქვა „გინდა ახტი, გინდა დახტი, სტრასბურგი მაინც სტრასბურგიაო“, აბსოლუტურად ვეთანხმები და აქ როგორც ერთი ჩინოვნიკი იტყოდა „წერტილი“.

მთავარი მაინც მგონია ის არის, რა იქნება ხვალ… ჩემი გადმოსახედიდან ამ გადაწყვეტილებით „რუსთავი 2“-ის ჟურნალისტებს (და არა მარტო მათ) მიეცათ უნიკალური შანსი დაამტკიცონ თავიანთი პროფესიონალიზმი, მიუკერძოებლობა და დაუმტკიცონ საზოგადოებას, რომ ისინი მართლა დასავლური ღირებულებების მქონე თავისუფალი ჟურნალისტები არიან და არა რომელიღაც პარტიის ან მით უმეტეს, ერთი კონკრეტული, ახირებული ადამიანის მსახურები და ყველაფერს ხედავენ ისე, როგორც ამას უნდა ხედავდეს თავისუფალი და მიუკერძოებელი, ქვეყნის ბედით შეწუხებული „მოდარაჯე ძაღლი“ და არა ისე, როგორც „ავი ძაღლი“, რაც არცთუ იშვიათად და თუ გნებავთ, ძალიან ხშირადაც ისე ხდებოდა, როგორც იმ ერთ ახირებულ ადამიანს მოუნდებოდა, რამაც უზომოდ დააზარალა ეს არხიც და იქ მომუშავე ჟურნალისტებიც. ამის ფაქტებს აქ ნუ ჩამომათვლევინებთ იმიტომ, რომ ძალიან მრავლად მოიპოვება და დარწმუნებული ვარ ყველას კარგად ახსოვს (ვისაც არ ახსოვს, მარტივად შეუძლია ჩახედოს ინტერნეტში არქივს და ადვილად მიაგნებს მიკერძოებულ, რბილად რომ ვთქვათ, დამახინჯებულ და ძალიან ხშირად თავდაყირა დაყენებულ ე.წ. ფაქტებს. ამიტომ ამ თემას აქ აღარ გავაგრძელებ).

სტრასბურგი იყო გუშინ, ცხოვრება გრძელდება და დღეს სხვა რეალობის დრო დგება. ვფიქრობ, თვალები ყველამ ფართოდ უნდა დააჭყიტოს და ერთად უნდა შევხედოთ ამ ახალ რეალობას, მთავრობამაც, მედიამფლობელებმაც და ჟურნალისტებმაც თუ მართლა გვაქვს პრეტენზია გამჭვირვალობასა და დემოკრატიაზე. ამიტომ დავუბრუნდები მთავარს, რასაც დასაწყისშიც მოგახსენებდით, ახლა არის სწორედ ეს შანსი იმ ჟურნალისტებისთვის, ვინც თვლის, რომ მართლა ერთი გუნდია და გულწრფელად შეუძლია იაროს ბეწვის ხიდზე და უანგაროდ (პარტიულ ანგარებასაც ვგულისხმობ) იბრძოლოს ქვეყნის უკეთესი მომავლისკენ სწრაფვისთვის (დარწმუნებული ვარ, „რუსთავი 2“-ში ასეთი ხალხი მრავლად მოიძებნება) და ვინმე შლეგი, ტვინგადაბრუნებული ან ბოღმიანი ადამიანების გავლენით კი არ იტრიალონ ერთ წრეზე, მართლა დაანახონ და დაუმტკიცონ მაყურებელს - დიდი შეცდომების მიუხედავად (შეცდომებისგან დაზღვეული არავინ არის) მათ სწორი გზა აირჩიეს და ამ გზიდან აღარ გადაუხვევენ. რაც აქვე აუცილებლად უნდა აღვნიშნო, არ იქნება იოლი, თუმცა, არც შეუძლებელი (თან რამხელა ბენეფიტების, გავლენისა და ავტორიტეტის მომტანი იქნება მათთვის ეს ყველაფერი). მინდა მჯეროდეს, თუმცა ვნახოთ, სტრასბურგი და ხვალეო!..

გიორგი თევდორაშვილი

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 20.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს