ვანო ზარდიაშვილი - ობიექტურ პირობებში კითხვა ასე დაისმებოდა: ხაზარაძემ ხომ არ გაიგო, რომ მისთვის ბრალის წაყენებას აპირებდნენ, ხომ არ დაასწრო და ამიტომ ხომ არ დაანონსა, რომ პოლიტიკაში შემოდიოდა?

ჩვენი ხელისუფლების პირობებში “თიბისი ბანკი“ არნახულ მოგებაზეა გასული თავისი ირიბი ბიზნესებით - ხაზარაძის ყველა ბიზნესი წარმატებულია და მოგებები გაორმაგებულია, - ამის შესახებ “ინტერპრესნიუსთან“ საუბრისას “ქართული ოცნების“ დეპუტატმა ვანო ზარდიაშვილმა განაცხადა.

ზარდიაშვილის აზრით, ეს იმის დამადასტურებელი ფაქტია, რომ ხაზარაძესთან და ზოგადად, ბიზნესთან მიმართებაში ხელისუფლების მხრიდან არანაირი წნეხი არ არის.

“ვისურვებდი, არასამთავრობო სექტორი, მედია საშუალებები იყვნენ ობიექტურები, როდესაც სისხლის სამართლებრივ პასუხისმგებლობაზეა საუბარი - ვისაც არ უნდა ეხებოდეს ეს: ყოფილი პოლიტიკოსს, მოქმედ ბანკირს, მოქმედი იურისტს და ა.შ. მინდა, კანონის წინაშე ყველა თანაბარი იყოს და თუ სამართალდამცავთა მხრიდან კითხები არსებობს, ყველამ გასცეს მას პასუხი. ჩემი აზრით, ეს არის ჯანსაღი პროცესი - თუ არსებობს კითხვები, კითხვებს პასუხები უნდა გაეცეს.

ობიექტურ პირობებში კითხვა ასე დაისმებოდა: - მამუკა ხაზარაძემ ხომ არ გაიგო, რომ მისთვის ბრალის წაყენებას აპირებდნენ, მან ხომ არ დაასწრო, ამიტომ ხომ არ შექმნა საზოგადოებრივი მოძრაობა და დაანონსა, რომ პოლიტიკაში შემოდიოდა? ჩვენ არაერთხელ გვინახავს, რომ ამ ხრიკს სისხლის სამართლის პასუხისგებაში მყოფი პირები მიმართავენ ხოლმე, რომ თითქოს მათთან მიმართებაში არსებული პროცესები პოლიტიკურ აქტიურობას უკავშირდებოდა. ამის ნათელი მაგალითია ეკა ბესელია, როდესაც მას კორუფციასთან დაკავშირებით უმრავლესობის სხდომაზე პრეტენზიები წაუყენეს, მიხვდა, რომ დიდი ხანი უმრავლესობის ფორმატში ვერ გაჩერდებოდა, აუცილებლად გაუშვებდნენ და დაანონსა, რომ ვითომ სასამართლოსთვის იბრძოდა. აქაც შეიძლება ამასთან გვქონდეს კავშირი - მამუკა ხაზარაძეს შეიძლება რაიმე ინფორმაცია ჰქონოდა და თეორიულად დასაშვებია, რომ მან ამიტომ დაიწყო პოლიტიკური მოქმედება. მე ამის თქმის საშუალებას მაძლევს ისიც, რომ მამუკა ხაზარაძემ რატომღაც საკუთარი თავი ანაკლიის პორტთან გააიგივა და ანაკლიის პორტის მშენებლობის უფლება მამუკა ხაზარაძეზე ჩვენი ხელისუფლების პირობებში გაიცა“, - განაცხადა ვანო ზარდიაშვილმა.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ეკა ლეკაშვილი - ხელისუფლებამაც და საზოგადოების ნაწილმა ისწავლა კოვიდ ინფექციასთან თანაცხოვრება
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
თბილისს უახლოეს ხანში ძველი თბილისის შთაგონებით შექმნილი გასტრონომიული დუქანი "რიგი" შეემატება
„ევრონიუს ჯორჯია“ ქართულენოვანი მაუწყებლობის დაწყებას აღნიშნავს
გაეროს მსოფლიო ტურიზმის ორგანიზაციის TEDQUAL სერტიფიკატის გადაცემის ცერემონიალი კავკასიის უნივერსიტეტში
Mastercard-სა და საქართველოს ტურიზმის ეროვნულ ადმინისტრაციას შორის ურთიერთთანამშრომლობის მემორანდუმი გაფორმდა
ხელოვნური ინტელექტი ევრაზიაში – ბიზნესისა და ტექნოლოგიების უნივერსიტეტის პანელი თბილისში ჩატარებულ საერთაშორისო ფორუმზე
BTU-ს „ინიციატივა 5.0” და უმნიშვნელოვანესი პროექტები, რომელიც საქართველოში ციფრული ეკონომიკის გაძლიერებას ისახავს მიზნად
Samsung The Sero - ტელევიზორი, რომელიც ბრუნავს იმისთვის, რომ შენს სმარტფონს მოერგოს