ბრაზილიელმა პატიმარმა კლაუვინო და სილვამ რიო-დე-ჟანეიროს ციხიდან გაპარვა თავისი ქალიშვილის ტანსაცმლითა და ნიღბით სცადა. ამის შესხებ ინფორმაციას „გარდიანსი“ ავრცელებს.

სილვა საპატიმროში საკუთარმა 19 წლის ქალიშვილმა მოინახულა, რის შემდეგაც პატიმარმა გადაწყვიტა გოგონა საპატიმროში დაეტოვებინა, თავად კი მისი ტანსაცმელი, ნიღაბი და პარიკი მოერგო. ციხიდან გამოსვლამდე ზედამხედველებს მისი ქცევა უცნაურად მოეჩვენათ, რის შემდეგაც აღმოაჩინეს, რომ ციხიდან არა 19 წლის გოგონა, არამედ ბრაზილიაში ერთ-ერთი დანაშაულებრივი ჯგუფის ლიდერი და ნარკოტიკებით მოვაჭრე კლაუვინო და სილვა გამოდიოდა.

შემთხვევის შემდეგ სილვა მაქსიმალურად დაცულ იზოლატორში გადაიყვანეს.

იხილეთ ვიდეო: ბრაზილიელმა პატიმარმა ციხიდან გაპარვა თავისი ქალიშვილის ტანსაცმლითა და ნიღბით სცადა - მასთან მოსანახულებლად მისული შვილი კი საპატიმროში დატოვა