გაერო-ს ადამიანის უფლებათა უმაღლესი კომისარი ჰონგ- კონგის ხელისუფლებას თავშეკავების გამოჩენისკენ მოუწოდებს

გაერო-ს ადამიანის უფლებათა უმაღლესი კომისარი მიშელ ბაშელე ჰონგ - კონგის ხელისუფლებას მოუწოდებს, თავშეკავება გამოიჩინოს და გამოიძიოს მტკიცებულებები, რომლებიც სამთავრობო ძალების მიერ ცრემლსადენი გაზის საერთაშორისო კანონმდებლობით აკრძალული გზით გამოყენებაზე მეტყველებს, - ამის შესახებ ინფორმაციას სააგენტო „როიტერსი“ ავრცლებს.

„როგორც მტკიცებულებებიდან ჩანს, ბევრ შემთხვევაში ცრემლსადენი გაზის გამოყენება ხალხით გადაჭედილ, ჩაკეტილ ადგილებში ხდებოდა, იყო ცალკეული დემონსტრანტის მიმართულებით პირდაპირ სროლის ფაქტებიც, რაც სიკვდილის ან სერიოზული დაზიანების მიღების რისკს ზრდის,” - ნათქვამია ბაშელეს განცხადებაში.

მისივე განმარტებით, ჩინეთის მიერ ორშაბათს გაკეთებული კომენტარები ჰონგ კონგში „ტერორიზმის აღმოცენების“ შესახებ სიტუაციის გამწვავებს რისკს ზრდის.