დავით დარახველიძე აფხაზეთის მთავრობაში დევნილთა სამინისტროს შექმნაზე - ხელისუფლება მცირე მთავრობის ინიციატივით გამოვიდა და სამინისტროები გამსხვილდა

თუ ფინანსური შესაძლებლობები ვერ გაიზრდება, მაშინ დასახელებას რა მნიშვნელობა აქვს და თუ გაიზრდება მაშინ საიდან, რის ხარჯზე?!" - ამის შესახებ საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა ყოფილმა მინისტრმა დავით დარახველიძემ „ინტერპრესნიუსთან“ საუბრისას, აფხაზეთის მთავრობაში მიმდინარე სტრუქტურული ცვლილებების საკითხზე კომენტირებისას განაცხადა. კერძოდ, დარახველიძე აფხაზეთის ავტონომიური რესპუბლიკის ყოფილი მეთაურის, ვახტანგ ყოლბაიას მოსაზრებას გამოეხმაურა იმის თაობაზე, რომ დევნილთა საკითხებთან დაკავშირებული უფლებამოსილების ნაწილი ცენტრალური მთავრობიდან დევნილთა სამინისტროს უნდა გადაეცეს, რომელიც აფხაზეთის მთავრობაში დევნილთა დეპარტამენტის ნაცვლად შეიქმნა.

„საქართველოს მთავრობა, ბოლო რეფორმის დროს გამოვიდა მცირე მთავრობის ინიციატივით და გამსხვილდა სამინისტროები. ამ ფონზე აფხაზეთის მთავრობაში, რომელიც საქართველოს მთავრობის შემადგენელი ნაწილია, სამინისტროს დამატება, რამდენად სწორია?! რა ვიცი... მნიშვნელოვანია, რა ხარჯები ექნება. ადრე აფხაზეთის მთავრობაში იყო დევნილთა დეპარტამენტი და ის, რომ აფხაზეთის მთავრობას უნდა ჰქონდეს სტრუქტურა - დევნილთა მე ამას ვიზიარებ, სხვანაირად არ გამოვა. გააჩნია, რა შესაძლებლობები ექნება, პირველ რიგში ფინანსური და თუ ეს ფინანსური შესაძლებლობები ვერ გაიზრდება, მაშინ დასახელებას რა მნიშვნელობა აქვს და თუ გაიზრდება, მაშინ საიდან, რის ხარჯზე“?!- განაცხადა დავით დარახველიძე.

ყოფილი მინისტრი მიიჩნევს, რომ თავის დროზე დევნილთა სამინისტროს ჯანდაცვის სამინისტროსთან გაერთიანება სწორი გადაწყვეტილება იყო, რადგან უწყებას დიდი ბიუჯეტით დევნილების პრობლემების გაცილებით უკეთ მოგვარება შეუძლია.

„რაც შეეხება დევნილთა სამინისტროს ჯანდაცვის სამინისტროსთან გაერთიანებას, მე მიმაჩნია, რომ ეს იყო სწორი, იმიტომ, რომ დევნილებთან დაკავშირებული საკითხები და გამოწვევები ადრეც და დღესაც რამდენიმე სტრუქტურის ერთობლივ მოქმედებს ითხოვს. ახლა ამან მაქსიმალურად ერთად მოიყარა თავი. დევნილების პირველი პრობლემა განსახლებაა და ამ საკითხის მოგვარება დიდ სამინისტროს უფრო ხელეწიფება, ვიდრე პატარა ბიუჯეტის მქონეს. დღევანდელ უწყებას 3 მილიარდი აქვს ბიუჯეტი და ცალკეულ სამინისტროს ასი მილიონის ფარგლებში ჰქონდა“,- განაცხადა დავით დარახველიძე.

შეგახსენებთ, რომ აფხაზეთის მთავრობაში სტრუქტურული და საკადრო ცვლილებები მიმდინარეობს. რეორგანიზაციის ფარგლებში ლიკვიდირებულია აფხაზეთის მთავრობის საქვეუწყებო დაწესებულება - ადმინისტრაციულ-სამეურნეო სამმართველო, ხოლო მისი ფუნქციები გადაეცა აფხაზეთის მთავრობის აპარატს; აფხაზეთის ფინანსთა და ეკონომიკის სამინისტრო და აფხაზეთის სოფლის მეურნეობის, გარემოს დაცვისა და სოფლის მეურნეობის დეპარტამენტი გაერთიანდა; დაიწყო აფხაზეთის იუსტიციის დეპარტამენტის ლიკვიდაციის პროცესი, იუსტიციის დეპარტამენტის ფუნქციები გადაეცა აფხაზეთის შესაბამის დაწესებულებებს; გარდა ამისა, დევნილთა დეპარტამენტი დევნილთა სამინისტროდ გარდაიქმნება. რეორგანიზაციის პროცესი მიმდინარეობს აფხაზეთის მთავრობის აპარატსა და აღმასრულებელი ხელისუფლების დაწესებულებებში.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 21.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)